Latur bloggari... ;)

Rúmt á síðan síðast!

2010-03-20T10:13:00.002Z

Hehe tíminn líður fljótt og allt í einu er liðið rúmt ár frá síðasta bloggi. Hmmm svosem ekki mikið gerst á þessu ári. Var í ræktinni, vann, fór til Englands, skipti um vinnustað innan Símans... já held þetta sé nokkurn veginn samantektin.

Núna er ég að vinna í söluveri Símans og svara þar símtölum fólks. Byrjaði þar í febrúar og fíla það ágætlega. Smá munur á því að hafa fólk í símanum eða fyrir framan sig.

Ritgerðin mín um Harry Potter er í vinnslu og ég hef fulla trú á því að klára í júní og ég hlakka til að útskrifast.

Bleh... þetta er nóg í bili... bara varð að henda inn færslu þar sem það var meira en ár síðan síðast.

Bíóferðir

2009-02-06T13:13:00.003Z

Ótrúlegt en satt þá er ég búin að fara tvisvar í bíó á stuttum tíma. Í fyrra skiptið fékk ég boðsmiða á My Bloody Valentine og fór á hana á fimmtudaginn síðasta.
Myndin var ágætis afþreying og nokkur flott atriði sem voru hálf ógeðfelld. En hins vegar var söguþráðurinn nokkuð gegnsær og maður fljótur að finna út hver fléttan var.

Svo fór ég á Slumdog Millionaire í gær og hún var mjög góð. Hins vegar skil ég ekki þessa áráttu kvikmyndaframleiðanda að þurfa alltaf að breyta söguþræðinum... sérstaklega þegar söguþráðurinn er bara nokkuð góður fyrir.

Allt gott hér

2009-02-04T14:47:00.002Z

þessa dagana er ég föst í einhverri brjálaðri jákvæðnisbylgju. Er hress og kát nánast á hverjum degi. Get horft í spegilinn og verið bara nokkuð sátt við það sem ég sé. Fór í myndatöku og fékk eiginlega bara flottar andlitsmyndir af mér... er lífið virkilega svona þegar manni líður nokkuð vel?
Ég er byrjuð aftur í ræktinni og ætla að taka á honum stóra mínum og breyta um lífstílinn þannig að ég detti helst aldrei aftur í að vera neikvæða ég. Mikið meira gaman að vera jákvæður og sáttur við sig.

Þetta er stolin saga en vá hvað það er mikið til í þessu!

2009-01-28T11:35:00.001Z

Góð saga til að lýsa flóknum hugarheim kvendýrsins!

Segjum sem svo að það sé maður sem heitir jón og hann er hrifin af konu sem heitir sigga. Hann býður henni í bíó; hún þiggur boðið; þau skemmta sér bara nokkuð vel saman. Nokkrum kvöldum seinna býður hann henni út að borða, og aftur skemmta þau sér vel. Þau halda áfram að hitta hvort annað reglulega og brátt eru þau hvorugt að hitta neinn annan.

Og svo eitt kvöldið þegar þau eru að keyra heim. fattar sigga og án þess að hugsa neitt nánar út í það segjir hún upphátt: gerir þú þér grein fyrir þvi að í kvöld erum við búin að vera að hittast nákvæmlega í 6 mánuði?

Og svo verður þögn í bílnum.

Fyrir siggu hljómar þetta sem mjög hávær þögn. Hún hugsar með sér: ætli þetta hafi komið illa við hann, að ég skyldi hafa minnst á þetta. Kannski hann finnist hann bundin sambandi okkar, kannski honum finnist ég vera að pressa hann í einhverj skuldbindingu sem hann vill ekki, kannski er hann ekki viss.

Jón er að hugsa: Vá sex mánuðir

Og sigga hugsar: en hey kannski er ég barasta ekkert viss heldur hvort þetta sé eitthvað samband sem ég kæri mig um. stundum myndi ég vilja smá meira rými fyrir mig, svo ég gæti fengið tíma til að sjá hvort þetta samband sé það sem ég virkilega vil, hvort ég virkilega vilji láta okkur halda áfram að lalla svona áfram, ég meina hvert erum við að fara? Komum við til með að halda áfram hitta hvort annað svona af og til, er þessi innileiki málið? Erum við á leið í átt að trúlofun, giftingu, eigum við eftir að eignast börn saman? Munum við vera saman það sem eftir er lífisins? Er ég tilbúin fyrir slíka skuldbindingu? Þekki ég þennan mann eitthvað í raun og veru?

Og jón er að hugsa:.... okey þetta þýðir að það var... látum okkur nú sjá.. febrúar... þegar við byrjuðum að deita, sem var rétt eftir að ég fór með bílinn í umboðið, sem þýðir... best að kíkja á kílómetramælinn... nei vá ég langt komin yfir tíma í smurningu og olíuskiptingu.

Sigga er sko ekkert hætt að hugsa: hann er í uppnámi, ég sé það á andlitinu á honum. Kannski ég er að lesa algera vitleysu í þetta. Kannski vill hann meira útúr sambandinu okkar, meiri innileika, meiri skuldbindingu. Kannski fann hann það á sér löngu áður en ég fann það að honum finnst ég hafa dregið mig í hlé. Já ég þori að veðja að það sé málið. Þess vegna er hann svona ófús að tjá sig um tilfinningarnar sínar, hann er hræddur um að verða hafnað.

Jón hugsar: ég þarf líka að láta kíkja yfir gírkassann aftur. Mér er alveg sama hvað þessir hálfvitar segja, það er enn eitthvað að skiftingunni. Og það er eins gott að þeir reyni ekki að kenna kalda veðrinu í þetta skiptið. Hvaða kalda veður það er 20 stiga hiti úti. Og þessi skipting er eins og á ruslabíl. Og ég borgaði þessum fjandans svikahröppum 20.000 kall.

Sigga hugsar enn: hann er reiður. Æ ég get svosem skilið það. Ég væri líka reið. Æ ég er með ekkert smá samviskubit að láta hann ganga í gegnum þetta, en ég stjórna því ekki hvernig mér líður, ég er bara ekki viss.

Og jón hugsar: þeir segjast svo örugglega bara ábyrgjast viðgerðina 90 daga eftir komuna... fávitar.

Og Sigga: kannski er ég bara of mikil draumóramanneskja. Að bíða eftir einhverjum riddara á hvítum hesti, meðan ég er með fullkomlega indælan mann við hliðina á mér.manneskju sem ég nýt þess að vera með, manni sem mér þykir virkilega vænt um. Sem virðist líka þykja mikið til mín koma. Manneskja sem þjáist núna útaf minni eigin sjáfselsku skólastelpu fantasíu.

Jón hugsar: ábyrgð, þeir vilja sjá ábyrgðarskirteini, ég skal gefa þeim þetta helvítis ábyrgðarskirteini, ég tek helvítis skirteinið þeirra og sting því beint uppí....

jón segjir sigga upphátt

Jóni bregður hvað

gerðu Það ekki vera að pína þig svona segjir hún með tárin í augunum. ég hefði örugglega aldrei átt... ó jesús mér líður bara svo... (hún brotnar niður byrjar að gráta)

hvað? segjir Jón

ég er bara soddan kjáni, stynur sigga upp. ég meina, ég veit það er enginn riddari, ég veit það alveg, þetta er kjánalegt. Það er engin riddari og það er enginn hestur.

það er enginn hestur? segir jón

þú heldur að ég sé alger kjáni, er það ekki? snöktir sigga

nei! segjir hann, feginn að geta loksins gefið ,,rétt,, svar

Það er bara að... að sko ég þarf smá tíma, segjir sigga( það er 15 sekundu pása meðan jón hugsar eins hratt og hann getur að öruggu svari. Loks dettur honum eitt í hug sem hann heldur að geti virkað)

já stynur hann upp (sigga djúpt snortin, tekur um höndina hans)

oh jón ertu alveg viss, finnst þér það í alvöru?

Finnst mér hvað jón stynur ráðviltur

Um tímann

Ohh segir jón já ( sigga starir djupt i augu hans, hann verður virkiega nervös um hvað hún mun segja næst sérstaklega ef það er eitthvað um hesta. Loksins talar hún.)

Takk jón

Þakka þer segjir hann

Svo keyrir hann hana heim, hún leggst í rúmið, ráðvillt og pínd sál, grætur alla nóttina. jón fer hins vegar heim til sín opnar poka af doritos, kveikir á sjónvarpinu, og um leið sekkur hann í endursýningu af fótbolta leik þriðjudeildarliðs sem hann hefur aldrei heyrt um. Pínu rödd langt langt inní innsta rými huga hans segjir honum að eitthvað stórt skeði í bílnum en þar sem hann getur ekki fyrir sitt litla líf skilið hvað. þá hann sleppir því bara að hugsa um það.

Næsta dag sigga mun hringja í ALLAR bestu vinkonur sínar, og þær munu tala um þessa stöðu í sex heila klukkutíma non stop. Í nákvæmum smáatriðum. Þær munu skilgreina og anelísera allt sem hann sagði hvernig hann sagði það í hvaða tón, svip. Það sem hann sagði, hún sagði, hann sagði. Aftur og aftur og aftur leitandi að merkingu í hverri hreyfinu, setningu orði. Þær munu halda áfam að ræða þetta af og til í margar vikur, jafnvel mánuði án þess nokkurntíman komast að almennilegri niðurstöðu, en fá aldrei leið á því heldur.

Á sama tíma , jón, meðan hann spilar körfubolta einn daginn með sameiginlegum vini hans og siggu. Rétt áður en hann kastar boltanum grettir sig hikar og spyr palli átti sigga einhverntíman hest?

hahahaha... boðskapur... hömm spái í því seinna þetta er bara svo innilega satt

Bjó til dagbókarblogg

2009-01-27T16:10:00.002Z

Ég var að búa til nýtt blogg sem ég ætla að nota til að skrá inn hreyfingu, mælingar, árangur og allt þannig slíkt. Einnig set ég inn myndir þar og annað. Hins vegar ætla ég að hafa það læst þannig að það geti ekki hver sem er farið þar inn.

Slóðin er hugborganna.blog.is og verður virk frá og með næstu viku.

pælingar

2009-01-19T12:43:00.001Z

Ég er að spá í að byrja að blogga aftur vikulega um það hvernig mér gengur í rækt og öðru og ég veit ekki alveg hvort ég eigi að gera það á þessu bloggi eða öðru. Svo er ég að íhuga að breyta útlitinu á blogginu... það gæti verið smá föndur og vandamál eins og flest önnur skipti sem ég breyti um útlit.

ársuppgjör

2009-01-18T20:52:00.002Z

Jæja er ekki við hæfi að gera upp liðið ár.

Janúar - Byrjaði ekkert svakalega vel, allt í mínus og fúlt. Hitti vissan botn og ákvað að gera eitthvað í mínum málum. Tók ákvörðun um að sækja um dvöl í O-hóp í Hveragerði.
Febrúar - Læknirinn sendi af stað beiðni í Hveragerði, fór í blóðprufur og litu þær að mestu leiti vel út. Eina neikvæða var að skjaldkirtillinn er ekki alveg nógu starfhæfur. Eignaðist litla frænku þann 11. feb.
Mars - Fékk að vita að ég færi í Hveragerði á öðrum í páskum. Mætti þar alveg dauðstressuð og alveg viss um að þetta yrði ömurlegt. Hitti fullt af frábæru fólki þarna.
Apríl - kláraði Hveragerði og fór heim allt önnur manneskja og sex kílóum léttari. Fór í atvinnuviðtal hjá Símanum og rokkaði það feitt. Við mamma og pabbi gengum frá kaupum á íbúð í Kópavoginum.
Maí - fékk að vita að ég fengi vinnu hjá Símanum og var mjög sátt við það. Fór með 10. bekkinn á Þórshöfn í vikuferð til Danmerkur. Það var geðveikt gaman.
Júní - flutti suður, bjó fyrst hjá Birki og Kæju, svo stutta stund á sófanum hjá Mæju. Fengum íbúðina seinni part í júní og fluttum inn. Byrjaði að vinna hjá Símanum.
Júlí - atburðalítill júlí þetta árið, var að vinna og naut þess að vera í nýju vinnunni.
Ágúst - endurkomuvika í Hveragerði. Var búin að þyngjast um 1 kg á þessum mánuðum en var fljót að snúa blaðinu við. Léttist um 1 og hálft kg á þessari viku.
September - ekki mikið um að vera í september, ekkert sem mig rekur minni í eins og er.
Október - afmælismánuðurinn... held það sé nokkurn veginn það eina merkilega í mínu lífi. Tjah nema maður nefni þjóðfélagsástandið.
Nóvember - Vann verðlaun fyrir það að vera jákvæðasti einstaklingurinn í heilsuátakinu í Kringlu búðinni. Geggjað gaman.
Desember - vann yfir mig í vinnunni og átti lítið frí. En þetta var samt svakalega gaman

Allt í allt var árið stórfínt, ég sneri miklu við í mínu lífi og það er mjög langt síðan ég hef verið eins sátt við sjálfa mig og ég er í dag. Ég er ca. 8-10 kg léttari en í upphafi síðasta árs og er stefnan tekin á að halda þessu áfram. Ég er enn örugg í vinnunni minni, en eins og allir aðrir þá veit ég ekki hve lengi það endist. Í næsta mánuði byrja ég að vinna í búðinni í Smáralindinni. Þá er planið að fara alltaf í ræktina áður en ég mæti í vinnuna því vinnutíminn þar er 11-19 í stað 10-18:30. Þá er passlegt að fara í World Class í turninum fyrir vinnu. Svo er minni kostnaður við bensínið þegar maður er að vinna svona nálægt heimilinu.

Bloggedíblogg

2008-12-08T21:51:00.002Z

Jæja þá er jólatörnin byrjuð í vinnunni, næsti frídagur er jóladagur. Það verður fínt að fá útborgað eftir þessa vinnutörn. Svo er nú líka sölukeppni í vinnunni, verst hvað mér gengur illa að selja símana. Verð að taka mig á í sölunni til að eiga einhvern séns.

Ég notaði gjafakortið mitt í klippingu og er frekar ósátt með litinn en hef engan tíma til að fara á stofuna til að kvarta. Veit allavega að það er ekki verðið sem skiptir máli. Verður ekkert betra þó það sé dýrara.

Ræktarmálin eru í lægð þessa dagana, en ég ætla mér að ná góðri rispu fyrir jól... gengur ekki að vera svona latur.

Verðlaun

2008-11-30T10:45:00.002Z

Hey ég fékk verðlaun í vinnunni fyrir að vera Gleðigjafinn í Kringlunni í átakinu. Krakkarnir í vinnunni kosu um það og átti að það að vera jákvæðasti einstaklingurinn sem var duglegur að hvetja hina áfram.

Ég fékk 15 þúsund króna miðborgar gjafakort sem ég ætla að nýta í eitthvað skemmtilegt.

Föstudagur og mánuðurinn senn á enda

2008-11-28T18:43:00.002Z

Vá hvað þetta ár er búið að vera alltof fljótt að líða, það er desember handan við hornið og svo nýtt ár. Það góða við desember er samt það að maður hefur nóg að gera og ætti að fá fína útborgun í janúar. Það verður gaman að vinna í jólavertíðinni, mér finnst reyndar alltaf gaman að vinna i öllum vertíðum. Það er alltaf skemmtilegur blær á öllu.

Ég var heima í dag með kvef og lekandi auga. Ákvað að það væri betra að slappa af og reyna að ná þessu úr mér frekar en að vera að sjúga upp í nefið og þerra augað á meðan ég afgreiði viðskiptavini. Var húsmóðurleg og skúraði og er að elda fyrir mömmu og pabba núna. Skellti í eina pizzu og hlakka til að borða hana.

Í gær var mæling í vinnunni, vorum að ljúka 10 vikna átaki. Hefði mátt ganga betur hjá mér en afrekaði að losna við 6 cm og 1,9 kíló. Stefni á að fá einhvern með mér í keppni eftir áramót, skella einhverju í pott og keppast. Mjög gaman að hafa áskorun. Þó hún hafi kannski ekki virkað nógu vel þarna í vinnunni. Held það hafi verið of langur tími í þessu.

En ég get verið þakklát fyrir það að ég er 10 kg léttari en ég var um páska og í mikið betra formi. Ég er á beinu brautinni þó hægt fari.

dugnaður

2008-11-26T18:17:00.002Z

Jæja ætla að ganga endanlega fram af þér Daðey mín og blogga aftur. Sit hérna í vinnuni og búin að afhenda slatta af miðum á eldhúspartý fm957. Svakalega gaman það.

Á morgun lýkur (líkur, lýkur, líkur, omg held ég þurfi að læra íslensku upp á nýtt) heilsuátakinu í vinnunni og því er nú ver og miður þá held ég að ég fái engin verðlaun né viðurkenningu fyrir minn árangur. Hins vegar get ég stolt sagt það að ég er í 2. sæti yfir mætingar hér í minni verslun. Þannig að þetta er ekki alslæmt.
Tala nú ekki um ef tekið er inn í þetta að ég er farin að geta skokkað á hlaupabrettinu, fer yfirleitt rúmlega 2 km á 20 mín og fyrir 122 kílóa skrokk held ég það sé bara fínt.

Annars er ekkert að frétta, er bara að vinna og vinna meira og þess á milli í ræktinni.

bleah

2008-11-22T22:02:00.002Z

Hmmm kannski maður ætti nú að fara að vera duglegur og reyna að blogga eitthvað. Maður er einhvern veginn aldrei í stuði til að tjá sig. Hjá mér er allt við það sama, vinna og rækt í nokkuð góðum gír og stefnan tekin á gott mataræði. Hef fulla trú á því að ég sé á réttri leið með allt þetta hjá mér.

Kreppan er staðreynd sem maður getur ekki komist hjá en maður gerir sitt besta í að gleyma. Það er ekkert gaman að vera í þessari neikvæðni endalaust. Hvernig væri að fólk færi að sjá hvað það hefur það í raun gott miðað við svakalega marga. Við höfum flest þak yfir höfuðið, mat á borðum, föt, bíla, sjónvörp, tölvur og allt hvað eina sem mann langar. Hins vegar þarf fólk að huga að því að draga saman seglin og hætta að eyða í vitleysu. Nota peningana í nauðsynjar frekar en að lifa flottu líferni. Ég get svosem ekki mikið sagt, með allt niður um mig fjárhagslega séð. En hef ákveðið að horfa björtum augum fram á veginn og taka Pollýönnu á þetta... þetta reddast allt saman einhvern veginn.

híhí það er ástæða fyrir því að bloggið mitt heitir laturbloggari

2008-09-20T23:42:00.002Z

Vá hvað það líður langt á milli færslna.

Ég er búin að búa í bænum í rúma 3 mánuði, búin að vinna í vinnunni minni í 3 mánuði og 2 vikur og er bara nokkuð ánægð.

Lífið gengur bara sinn vanagang, snýst um vinnu, líkamsrækt og svo þessa venjulegu hluti, borða, sofa og letipúkast. Ég hef verið nokkuð dugleg í ræktinni og er búin að léttast um 10 kíló síðan ég fór í Hveragerði í vor. Geri aðrir betur! Sé fram á að ná öðrum 10 af áður en prógrammið í Hveró er búið, þ.e. ef ég held áfram á þessari braut.

Annars er ekkert mikiðum að vera og því ansi lítið að segja. Skal reyna að láta ekki líða svona langt á milli næst.

Breytingar

2008-06-09T21:27:00.002Z

Jæja þá er ég búin í vinnunni fyrir norðan og byrjuð í annarri í Reykjavík. Er reyndar bara búin að mæta 2 daga en þetta lofar góðu og hlakka ég til að vera komin alveg inn í starfið. Ég hef ekkert verið að stressa mig yfir því að vera að koma í nýja vinnu og þessvegna allt gengið nokkuð vel. Við vorum þó ekki svo heppin að vera búin að fá nýju íbúðina áður en við fluttum og því er ég í gistingu hjá bróður mínum. En það stendur til að fá íbúðina afhenta þann 20. júní. Frekar pirrandi þegar maður er búinn að gera sér vonir um hlutina og svo ganga þær ekki upp.
Ég fer í Hveragerði á laugardaginn, en þá er fyrirlestur og mæling fyrir okkur og svo höfum við aðgang að öllu þar á meðan það er opið. Ég hlakka til að fara þó ég sé nú kannski ekki voðalega bjartsýn á að fá góðar niðurstöður. Hefur gengið frekar illa að halda sig við efnið þegar maður er í svona hálfgerðu millibilsástandi. Ég er þó búin að kaupa mér kort í ræktina og ætla að vera dugleg. En sé þó ekki fram á mikil afrek þessa viku þar sem mér tókst að sparka allsvakalega fast í stól í morgun og er með fjólubláa tá fyrir vikið. Kannski maður prófi bara að synda í staðinn.

Sælan búin

2008-04-28T08:37:00.002Z

Jæja þá er dvölin í Hveragerði á enda og maður að venjast því að vera komin í vinnuna aftur. Það er pínu erfitt eftir að hafa verið í svona vernduðu umhverfi í 4 vikur. En það gengur þó bara ótrúlega vel, hef verið að hreyfa mig svona í og með og held að vigtin sé enn á niðurleið. Maður verður nú að halda áfram eftir svona góðan árangur en í heildina fóru 5,9 kíló og 9 sentímetrar úr mittinu.
Einnig var ég nú svo heppin að vera með frábæru fólki í hóp og sé ég fram á að vera í góðu bandi við marga þeirra. Það er góður stuðningur.
Að öðru, nú eru bara 5 vikur eftir í þessari vinnu og er ég að vinna í því að fá aðra vinnu í bænum. Við flytjum sennilega fyrstu vikuna í júní og vonumst við til að vera búin að fá íbúðina þá. Annars væri það vesen að búa inni á öðrum í einhvern tíma.
Jæja nú er hausinn tómur og ég farin að snúast í hringi hérna, þannig að ég hendi fleiru inn seinna.

Uppfærsla

2008-04-10T17:31:00.002Z

Jæja þá er ég búin að vera í Hveragerði í 2 vikur og þetta er alger snilld. Maður er algerlega í eigin heimi við að hreyfa sig og taka til í sínum skápum. Erum 9 saman í hóp og það er geðveikt mikill stuðningur í því. Við erum á aldrinum 25 - 58 ára og náum samt nokkuð vel saman, mikið hlegið við matborðið og þetta minnir mig stundum á matartímana á vistinni. Við erum með stundaskrár sem innihalda leikfimi eða vatnsleikfimi klukkan tíu mínútur yfir átta alla virka daga, göngutúr klukkan 11 alla virka daga, allskonar fræðslu og umræðufundi og eitthvað sem heitir gjörhygli. Maður lærir mikið af þessu og einna mest venst maður á að borða reglulega og hollara val.

Hveragerði

2008-03-17T21:11:00.004Z

Jæja þá er komin dagsetning á Hveragerði og ég á að mæta þar 24. mars eða annan í páskum. Þar er ég að fara í meðferð vegna offitu... http://www.hnlfi.is/Default.asp?Page=37 ... hægt að lesa um það inni á þessum tengli.
Ég fór til læknist og bað um að fá beiðni til að fara þangað og fékk hana strax og komst inn í fyrsta hóp eftir að ég fékk beiðnina. Þannig að næstu 4 vikur fara í það að taka vel á því og losa sig við kílóin.
Svo fer ég aftur norður og klára að kenna veturinn og við flytjum svo suður í júní. sumarvinnan er ekki komin á hreint en ætti að koma í ljós fljótlega.

ætli það séu ekki allir búnir að gefast upp á mér

2008-03-04T08:28:00.002Z

Stutt færsla núna...
- ég er á lífi.
- ég er á Þórshöfn.
- ég flyt í vor.
- ég er að fara í Hveragerði (nánari dagsetning ekki komin enn).
- ég er ekki að gera góða hluti í skólanum (þ.e. HÍ)
- en ég er samt nokkuð hress bara.

Lengri og innihaldsríkari færsla kemur vonandi sem fyrst.

próf

2007-12-12T13:28:00.000Z

hvernig er það... afhverju er maður alltaf að finna eitthvað annað að gera þegar maður á að vera að læra undir próf?

Til dæmis má nefna, þá er ég búin að setja í þvottavélina og þurrkarann, búin að láta mig dreyma um nýja fartölvu og skoða nokkrar á netinu, henti smá rusli áðan og núna er ég að blogga.
Það vantar gersamlega allt stress í mig og mér finnst það sko ekki sniðugt, á eftir að gera svo ótalmargt fyrir þetta próf sem er á morgun. Hehe reyndar tókst mér að líta vitlaust á dagsetningu prófsins og hélt það ætti að vera í dag... búin að fá frí í vinnunni til að taka prófið og allt. Í staðinn nýti ég daginn í lærdóm og fer svo í prófið um leið og ég er búin að vinna á morgun. Annars er þetta bara chillað sko... fékk 6 spurningar frá kennaranum, þar af koma 4 á prófinu og þar af á ég að velja 2. Þannig að í rauninni er nóg fyrir mig að undirbúa 4 ritgerðarspurningar. Í þokkabót þá sendi kennarinn okkur beinagrindur að ritgerðum. En sagði líka að hann myndi ekki gefa okkur háa einkunn ef við notuðum það eingöngu... þannig að maður þarf bara að finna fleiri bein og kjöt á þau.

Ég fór suður um daginn og skemmti mér konunglega... ekkert smá gaman að hitta alla... tjah eða þá sem ég hitti :oþ fer svo aftur suður eftir rétt rúma viku og hlakka geðveikt til. Ætla að vinna aðeins í bókabúðinni yfir jólin, reyna að hitta vini og ættingja og svo bara hafa það gott. Svo er líka strákur í bænum sem ég hitti um daginn og fékk svo í heimsókn. Hlakka til að geta eytt smá tíma með honum... svona til að sjá hvað verður ;o)

Jæja get víst ekki forðast bækurnar sem eru farnar að "öskra" á athygli hérna við hliðina á mér...
later
Hugborg

jæja

2007-11-21T21:49:00.000Z

Jæja tími kominn á það að skrifa eitthvað hér. Lífið gengur sinn vanagang og er að mestu leiti þannig að maður mætir í vinnu, fer heim, borðar og fer að sofa. Svo svona á milli hangir maður alltof mikið í tölvunni, á sér ekkert líf og tók upp á því að púsla.

Af mér er það að frétta að ég á bara átta og hálfa einingu eftir af háskólanáminu mínu og þar af eru fimm einingar í BA ritgerðinni. Einnig get ég verið mjög ánægð með það að ég er eins og er í fyrstu einkunn. Maður verður bara að vera duglegur og halda henni. Ég er bara í einum kúrs núna og ætla að vera í einum eða tveimur kúrsum í vor, auk þess sem ég skrifa BA ritgerðina þá.

Vinnan mín er að verða skárri og börnin eru mjög skemmtileg, held ég sé bara að standa mig nokkuð vel, svona þó ég segi sjálf frá. Mig langar svolítið að prófa að kenna á framhaldsskólastigi, hugsa að það sé mjög skemmtilegt.

Ræktin og sundið hefur ekki gengið alveg eins vel og ég vonaði, en vigtin hefur þó staðið í stað og er ég bara mjög ánægð með það.

Ég fer suður á föstudaginn og aftur heim á mánudaginn, mikið svakalega verður það gaman. Dauðlangar að fara í bíó, keilu, pool, á kaffihús, í leikhús, í sund og að gera svakalega margt annað. Ef þið hafið áhuga þá megið þið endilega hafa samband við mig.

Bæjó spæjó

Bilað hné og tannlæknaferð

2007-10-22T08:12:00.000Z

Ohhh hvað það er fúlt að geta ekki æft á fullu eins og maður vill, mér tókst að gera einhvern andskotann við hnéið á mér og hef verið hálf hölt í 3-4 vikur. Langar ekki að fara til læknis bara til að heyra að ég sé of þung, ég meina, ég geri mér alveg grein fyrir því að ég er of þung án þess að ég borgi einhverjum fyrir að segja mér það. Vona samt að hnéið fari að jafna sig því mig dauðlangar að ná þessum kílóum í burtu!
Fyrir viku síðan fór ég á Akureyri til að fara til tannlæknis. Mér tókst að kljúfa eina tönn og brotnaði 1/4 af henni. Þetta er svosem hálfónýt tönn sem ég er búin að vera að baksast með í 5-6 ár. Þessi tannsi vildi helst ekkert gera fyrir mig annað en að setja bráðabirgðarfyllingu yfir og segir að ég eigi að fara til sérfræðingsins sem minn tannlæknir vill senda mig til, en lét svo fylgja á eftir að ef ég vildi alls ekki fara til sérfræðingsins þá mætti ég hringja í hann og fá hann í þetta.
Ég kem suður á föstudaginn og get ekki beðið, hlakka svo til þess að hitta alla og djamma í Reykjavík, skortur á góðu djammi hér. Hef reyndar farið einu sinni inn á Akureyri á nokkuð gott djamm, tók þá 2 kvöld á einni helgi og skemmti mér konunglega. Svo var smá djamm hér á Þórshöfn þessa helgi, það var ágætt en ekki nógu gott. Þannig að ég ætla að djamma rækilega fyrir sunnan.

Lífið og tilveran

2007-09-30T01:32:00.000Z

Jæja er ekki kominn tími á að koma með uppfærslu.

Skólinn er farinn að ganga betur en mér líður enn eins og ég sé biluð plata. Hins vegar er ekki eins mikil velgengni í því að læra. Verð að fara að drífa í því að koma mér af stað í því. Er komin með lesefni fyrir BA ritgerðina. Þannig að það er alveg nóg að gera.

Ég ætla að koma suður á afmælishelginni minni og panta gott djamm þá.

Flutningar og hundur

2007-08-27T21:52:00.000Z

Þá er ég flutt á Þórshöfn og Pjakkur með mér. Fyrir þá sem ekki vita það, þá er Pjakkur Chihuahua hvolpur sem ég fékk mér í sumar og tók hann með mér frá Akureyri þegar ég flutti norður.

Vinnan lítur vel út, er búin að vera eina viku í undirbúningsvinnu og í dag byrjaði skólastarf með þemaviku. Það blundaði í manni nett "panic" tilfinning þegar maður sá alla krakkana, en svo setti maður bara upp grímuna og tæklaði þetta. Gekk bara nokkuð vel í bæjarferðinni með krökkunum. Eina sem ég get sett út á er að sú sem á að vera að leiðbeina mér inn í starfið hefur verið svolítið upptekin og ekki gengið eins vel og ég vildi. En ég hef fengið aðra í staðin til að aðstoða mig við þetta.
Ég verð að kenna ensku í 2. - 3. bekk, samfélags-, náttúru- og kristinfræði og ensku í 4. - 5. bekk, ensku í 7. - 8. bekk og lífsleikni í 8. - 10. bekk. Ég á að vera að kenna 25 stundir á viku, en það er búið að bæta á mig 2 aukastundum þannig að ég fæ alltaf einhverja yfirvinnu.

Hundurinn minn er frábær, hann er skemmtilegur karakter sem lætur helst ekki vaða yfir sig. Perla Dís er alger frekja, en hann lætur hana ekki stjórna sér, heldur rífur bara kjaft við hana á móti. Hann er sko alger Pjakkur og ber því nafn með rentu.

Ferðasaga

2007-07-29T15:59:00.000Z

Jæja kominn tími til að segja frá ferðasögunni.

Við vorum komnar nokkuð snemma út á keflavíkurflugvöll og dunduðum okkur við að skoða úrvalið þar, borða og spila. Svo kom loksins að því að við fórum í flugið og við vorum svakalega spenntar. Flugið var fínt að flestu leiti... vorum orðnar svolítið þreyttar á stelpunum sem sátu fyrir aftan okkur, en það reddaðist.
Lentum í Barcelona seint um kvöld og þegar við gengum útúr vélinni lentum við á vegg hita og raka. Ég þakkaði fyrir það að við lentum ekki að degi til. Eftir smá vesen með farangurinn þá komumst við loksins í Aerobus, en það er rúta sem gengur frá flugvellinum til torgs sem heitir Placa de Catalunya. Þá tók við leitin að hótelinu, tókum eina vitlausa beygju, sem var samt ekki meira vitlaus en það að við komumst nokkurn veginn á réttan stað áfallalaust.
Hótelið var nú ekki upp á marga fiska og getur maður lært af þessu að maður þarf að fara varlega í það að panta hótel á netinu. En við ákváðum að gera það besta úr því og við vorum svosem ekki svo mikið á hótelinu. Við gengum frá dótinu okkar og röltum svo aðeins út á La Rambla til að skoða staðarhætti og fá okkur smá að borða, gerðum það sama og flestir Íslendingar gera þegar þeir fara til útlanda og fórum á McDonalds. Það var fullt af fólki þarna og langflestir vel drukknir.
Á sunnudeginum vöknuðum við og náðum í Barcelona kortin okkar, en það gaf okkur aðgang að almenningssamgöngunum þar og afslátt á marga staði. Fórum svo okkar fyrstu ferð í Metro og fórum í Parc Güell. Ég komst að þeirri niðurstöðu að fólk ætti að hætta að kvarta yfir öllum brekkunum á Akureyri, þar sem að brekkan sem við gengum upp í áttina að garðinum var með því brattara sem ég hef séð. Þessvegna var ég alsæl með að það voru nú rúllustigar hálfa leiðina :p Garðurinn var nokkuð flottur en það var eins með hann og marga aðra túristastaðina þarna... alltof mikið af fólki. Seinnipartinn notuðum við í að rölta á stað sem heitir Poble Espanyol en það er smá húsaþyrping sem er samsett af þekktum húsum á Spáni. Þar fékk eitt það versta nautakjöt sem ég hef smakkað og við fengum okkur Sangria. Þegar við vorum búnar að borða fórum við að sjá gosbrunn sem er svakalega flottur. Hann heitir Font Mágica og hann getur breytt um form. Svo þegar það er komið myrkur kveikja þeir ljós í honum og láta hann dansa í takt við tónlist. Það er geggjað flott og fullt af fólki sem kemur að sjá hann. Ég komst líka að því að vasaþjófar nýta sér saklaust fólk sem er upptekið við að njóta sýningarinnar. Honum tókst að vísu ekki að ná neinu af mér, en það munaði voðalega litlu þar sem ég tók viðbragð áður en hann komst með höndina alla leið ofan í töskuna mína.
Á mánudeginum fórum við í dýragarðinn og eyddum nokkrum tímum í það að rölta um og skoða dýrin. Sáum líka svona Dolphin Show sem var geggjað flott. Ég tók alltof mikið af myndum þar... var eins og ég hefði aldrei séð dýragarð fyrr. Þaðan röltum við yfir í L'Aquarium og sáum fullt af fiskum og nokkrar mörgæsir. Ekkert smá gaman að sjá þetta allt saman. Við hliðiðna á L'Aquarium er bíó með svakalega stórum skjá og við skelltum okkur á 2 myndir, önnur var leiðinleg en hin var flott, þar sem hún var í þrívídd. Skrítið að sjá hlutina á bíótjaldinu synda í áttina að manni. Þá um kvöldið ætluðum við á veitingastað sem við sáum í túristabókinni minni... en á leiðinni þangað sáum við annan flottan og ákváðum á endanum að fara þangað. þar fengum við okkur nautasteikur, rauðvín og ég fékk mér ostaköku í eftirrétt... þetta var besti maturinn sem ég fékk í allri ferðinni.
Á þriðjudeginum fórum við í La Sagrada Familia, en það er kirkja sem hefur verið í byggingu síðan 1888 og er ekki áætlað að verði tilbúin fyrr en 2030. Þeir nota peninginn sem kemur inn þegar fólk fer að skoða í það að borga bygginguna á húsinu. Þetta er svakalega stór bygging og svakalega flott að sjá, en það var alltof mikið af fólki þarna að maður naut þess eiginlega ekki. Þeir sem ákváðu að fara í lyftu upp í einn turninn þurftu að bíða í rúmlega klukkutíma eftir því að komast upp og við vorum ekki að nenna því. Þannig að við stoppuðum bara stutt þar og enduðum á því að fara í verslunarrölt. Ég eyddi nú svosem ekki miklum pening, keypti 2 geisladiska, dót fyrir ipodinn minn og skó. Eftir miklar hugleiðingar um það hvort við ættum að fara á þann stað sem við vorum búnar að ákveða að fara á eða hvort við ættum að fara upp á hótel og slappa af, ákváðum við að fara á staðinn og njóta þess að hafa síðasta daginn lausan. Seinni partinn fórum við að skoða geðveikt flott hús sem heitir La Pedrera. Arkitektúrinn þar er svakalega flottur, en sá sami og hannaði Sagrada Familia hannaði La Pedrera.
Á miðvikudeginum þurftum við að tékka okkur út af hótelinu fyrir hádegi en vorum búnar að finna það út að við gætum geymt farangurinn okkar þar þangað til að við færum á flugvöllinn. Við áttum ekki flug fyrr en seint um kvöldið og ákváðum því að skella okkur á ströndina. Ströndin var fín, en sólin of sterk og við aðeins of kærulausar með sólarvörnina. Þannig að þegar við komum á hótelið eftir strandarferð vorum við að verða ansi rauðar og hófumst handa við að bera á okkur aftersun. Við vorum nú ekki á því að gera eitthvað fleira... vorum ansi dasaðar eftir strandarferðina þannig að við fórum aðeins of snemma út á flugvöll. Bruninn minn var farinn að segja til sín og ég gat helst ekki staðið kjurr og var því svolítið pirrandi held ég svona síðustu klukkutímana af ferðinni. Flugferðin heim var ekki góð... en ég lifði það af ;)

Í heildina var þetta geggjuð ferð og ég er til í að fara aftur til Barcelona en þá veit maður líka hvað maður þarf að bæta í næstu ferð.

Sumarfrí

2007-07-10T21:55:00.000Z

Ég er loksins komin í sumarfrí eftir langa bið og eru aðeins 3 dagar í það að ég fari til Barcelona. Mikið svakalega er ég spennt fyrir því. Í gær fór ég til tannsa og hann reif úr mér einn endajaxl... það var ekki þægilegt.
Ég keypti mér hund þegar ég fór norður um daginn, fæ hann afhentan þegar ég flyt norður, sýnist allt stefna í að hann komi til með að heita Pjakkur.

Dugnaður

2007-06-29T09:13:00.000Z

jíha, mér tókst að synda kílómeter án þess að stoppa. Enda held ég að fólk í kringum mig hafi haldið að ég væri að verða geðveik. Verkið tók alveg heilar 40 mínútur :$ en maður hefur þá eitthvað til að bæta :p
Ég er á leiðinni norður yfir helgina, ætla að hafa það notalegt þar og skoða hund í leiðinni. Ef allt gengur upp, þá fæ ég hundinn þegar ég flyt norður.
Einkaþjálfarinn var í fríi bæði á miðvikudag og í dag, þannig að þetta hefur ekki verið eins erfið vika og vikan á undan. Hef samt verið nokkuð dugleg við að passa mataræðið og hlakka ég til að sjá hvort það sé ekki einhver árangur af því ;)

Update

2007-06-24T02:56:00.000Z

Jæja kominn tími á færslu ;)

Ég er enn á fullu í vinnunni sem er að gera útaf við mig, er einhvern veginn að nenna því að vinna þessa dagana. En kemst í frí eftir 2 vikur og fer út eftir 3 vikur :o)
Þá fer ég til Barcelona í 4 daga og hlakka svakalega mikið til :o)

Ég flyt norður um miðjan ágúst og það verður bara gaman. Er eiginlega alveg búin að ákveða að fá mér hund um leið og ég fer norður. Ætla að kaupa mér Chihuahua hund og hlakka svakalega til.

Ég er byrjuð hjá einkaþjálfara og verð hjá henni í einn mánuð. Nú þegar er ég komin með svakaleg strengi og bara búin að fara í tvo tíma ;o) Og verð að vera dugleg að passa mataræðið mitt ;o)

Komið á hreint

2007-05-26T00:06:00.000Z

Jæja þá er það komið á hreint, ég verð á Þórshöfn næsta vetur og verð að kenna í grunnskólanum þar. Ég er allt í senn hrædd, spennt, ánægð og stressuð. En þetta verður svakalega gaman og kem ég til með að vera reynslunni ríkari ;)

sýna smá tölur

2007-05-10T10:46:00.001Z

endirinn nálgast

2007-05-06T16:45:00.000Z

Jæja þá á ég bara eitt próf eftir á þessari próftíð. Er búin að fara í eitt próf og fékk 7 í því, er nokkuð sátt miðað við hvað ég lærði lítið. Annað próf klikkaði illilega og ég klára það í haust. Núna á ég eftir próf í bókmenntafræði, eina ritgerð um tolkien, próf í enskum bókmenntum 1945-2000 og BA ritgerð. Ég sé fram á það að útskrifast í október og ég er svakalega spennt.
Það verður skrýtið að vera ekki í skólanum næsta vetur, en ég hlakka líka til.

Þessa dagana stend ég frammi fyrir því að ákveða hvað ég ætla að gera næsta vetur. Ætlaði að vera í bókabúðinni minni og búa hér í bænum, en svo fékk ég gott tilboð fyrir næsta vetur. Foreldrarnir buðu mér að koma til þeirra og vera hjá þeim ef ég fæ vinnu þar, ég er að sækja um leiðbeinenda starf í grunnskólanum þar og hugsa að ég prófi líka að sækja um í sparisjóðnum. Ég veit að þið haldið flest að ég sé rugluð að vera að íhuga þetta, en ég sé fram á það að borga niður stóran hluta af skuldunum mínum á þessum tíma. Og ég held að það sé vel þess virði, þá ætti ég meiri möguleika á að koma suður aftur og kaupa mér íbúð. En það er það sem mig langar einna mest að gera. Svo ef ég fer að kenna og mér líkar vel við það, þá er ég búin að ákveða að fara í MA námið í ensku og taka kennsluréttindin.

Að öðru leiti gengur lífið bara vel, hef verið nokkuð dugleg í ræktinni, en þarf samt að vera duglegri til að ná betri árangri. Er komin með góðan æfingarfélaga og erum við að vinna í því að keyra stundaskrárnar okkar saman. Munar öllu að hafa félaga í þessu öllu saman. Svo er ég að plana ferð til Barcelona í júlí og ég er nú bara nokkuð spennt yfir þvi. Hef ekki farið erlendis síðan haustið 2000 þegar ég fór til Krítar með útskrifatrárgangnum mínum úr MA.

kominn tími á fréttir

2007-04-24T22:49:00.000Z

Jæja ég stend undir nafni og er löt að blogga. Lífið er að byrja að ganga sinn vanagang og prófstressið er að byrja að gera útaf við mig... samt er maður ekki nógu duglegur við að læra. En þetta reddast allt saman einhvern veginn. :o)
Annars er ég búin að kaupa mér bíl, fjárfesti í 2005 árgerð af Yaris og er alveg svakalega sátt við hann. Er meira að segja búin að fara tvisvar norður, á Akureyri í annað skiptið og Þórshöfn í hitt skiptið. Svakaleg gaman og frelsandi að vera með bíl.
Ræktin gengur ágætlega og námskeiðið sem ég skráði mig á er að klárast, árangurinn er nokkuð góður og ég hlakka til að halda áfram.

strengir dauðans

2007-03-12T16:58:00.000Z

Úff það er erfitt að byrja aftur í ræktinni... sé fram á að vera með strengi næstu vikurnar. Maður tapar svakalegu þoli svona með því að hætta að mæta í ræktina. En ég hef fulla trú á því að ég verði fljót að vinna það upp. Námskeiðið leggst ágætlega í mig... gott að taka svona ársfrí og þá er maður ekki eins þreyttur á því að vera alltaf að gera sömu hlutina. Hef aðeins verið að hugsa málið með það hvað ég geri þegar þetta námskeið er búið og er að verða búin að komast að þeirri niðurstöðu að taka jafnvel bara annað námskeið strax í framhaldinu.

Helgin sem var að líða var bara nokkuð skemmtileg og viðburðarrík. Allt frá því að fara á hokkíleik í það að þurfa að hugsa um drukkið fólk svo það komist heim til sín. Ekkert alltof mikill svefn þó, en það reddast, tókst að vakna í morgun til að fara í ræktina. Og það segir sko alveg heilan helling sko.

Tími til kominn

2007-03-06T22:41:00.000Z

Jæja ætli það sé ekki best að gefa smá uppfærslu á þetta. Ég er ekki lengur veik... var ekki veik lengi, þannig að ég verð að segja að ég var nú bara nokkuð heppin svona miðað við hvað maður er að heyra í kringum sig.
Ég er flutt í íbúðina sem ég er að leigja, en er ekki alveg að nenna að koma hlutunum mínum fyrir... þetta er bara eitt það leiðinlegasta sem ég geri. Hef flutt of oft um ævina og vona að ég þurfi ekki að flytja mikið oftar. Ég sé ekki fram á að klára að koma mér fyrir alveg strax, er að fara í próf á fimmtudaginn og morgundagurinn fer allur í það að læra. Svo er ég að vinna á föstudag og laugardag... þannig að ég veit nú sko ekki alveg hvenær ég á að finna tímann.
Í öðrum fréttum, þá fór ég og skráði mig á námskeið í world class... næstu átta vikurnar verða teknar af mikilli hörku og ég hlakka til að fara að koma mér aftur af stað og snúa við vigtinni aftur. Svakalega fúlt þegar maður er búinn að vera duglegur í ræktinni, hættir svo og fitnar ógeðslega mikið aftur.
Skólinn er ekki alveg að ganga upp þessa dagana... þarf að rífa mig upp í dugnaðinn og setja upp gott plan fram að prófum, það er alltof stutt í þau. Ef allt gengur vel þá er þetta síðasta próftíðin mín í bili og það verður svakalega notalegt.

veikindi

2007-02-19T19:06:00.000Z

úff ég er veikur... hef ekki verið veik í langan tíma. Núna hósta ég og hósta og hef engu að hósta upp þannig að það er að verða ansi vont að hósta. Svo í þokkabót er ég komin með hita.

Ég flyt á miðvikudaginn og ég ég hlakka svolítið mikið til... erfitt að vera í svona millibilsástandi og búa inn á einhverjum. En ég sé fyrir endann á því, verst að allt stefnir í því að ég þurfi að standa í þessu og vera veik í leiðinni.

Skólinn mætti ganga mikið betur... hef nú ekki verið sú duglegasta við lærdóminn og þurfti að biðja um frest á einu verkefni sem ég gleymdi að skila. Vona bara að það komi um leið og ró kemst á mig aftur... má ekki klúðra þessu á endasprettinum... væri hriklega svekkjandi.

úff

2007-02-15T11:24:00.000Z

úff hvað það er erfitt að sinna skólanum þessa dagana. Ég er orðin eftir á með allt og er sko ekki að nenna þessu. Verð að fara að rífa mig upp á rassgatinu og drífa mig í því að ná að vinna allt upp. Alger óþarfi að klúðra þessu öllu núna.
Ég stefni á að pakka niður á helginni, þó ég sé ekki alveg að nenna því, ekki alveg það skemmtilegasta sem ég veit. Vonandi er þetta í síðiasta skiptið í langan tíma núna. Verður 4-ði flutningurinn á 4 árum.

stórar breytingar

2007-02-12T22:38:00.000Z

Jæja ætli maður verði ekki að segja frá breytingunum. Við Tommi erum að skilja... allt í góðu samt... bara var ekki að ganga nógu vel. Eins og er þá gisti ég hjá Möggu sem hefur verið alveg frábær við mig. En ég er komin með íbúð sem ég fæ í næstu viku og ég hlakka til að flytja. Verður að vísu mjög skrítið að fara að búa einn aftur og að fara úr því að hugsa um fjölskyldu í að hugsa um sitt eigið rassgat ;) en það er víst betra að gera þetta svona heldur en að vera einhvers staðar þar sem maður er ekki alveg sáttur. Núna er stefnt á það að taka sig rækilega í gegn og byggja upp það sem hingað til hefur verið brotið og ég hlakka svakalega mikið til þeirrar vinnu.

síðasta einkunnin komin í hús

2007-01-31T07:33:00.000Z

Jæja þá er síðasti sauðurinn kominn í hús, fékk 7 í enskum mállýskum og endaði því með 15 einingar af 20 og meðaleinkunnin í þessum 15 var 7,6 en ef ég tel einingarnar í tolkien með þá var ég með meðaleinkunn 5,7. Líst betur á þessa fyrri sko ;)
Skólinn lítur vel út og ég er nokkuð sátt við kúrsana sem ég er í á þessari önn, að vísu kem ég til með að missa af nokkrum fyrirlestrum þar sem ég var góðhjörtuð og bauð vinnuveitandanum að vinna alltaf mánudag og miðvikudaga til skiptis og vinn svo alla föstudaga og annan hvern laugardag. Þannig að aðra hverja viku vinn ég mán, fös, lau og hina vikuna mið og fös. og þegar ég vinn á mán og mið er ég að vinna 12-18 en fös 10-18 og lau 10-16. Ég hef hugsað mér að nota morgnanna í að læra og hef nú verið nokkuð dugleg í því, svona þó ég segi sjálf frá ;)
Í gær var ég ofur dugleg og labbaði í skólann, það tók mig alveg hálftíma og ég svitnaði nú alveg ágætlega við það... ekkert smá ánægð með mig og aldrei að vita nema leikurinn verði endurtekinn fljótlega.

afsökunarbeiðni

2007-01-18T22:35:00.000Z

Hér með vill ég biðja fólk afsökunar á jólakortaleysi síðustu 2ja ára... lofa að bæta úr því næst ;) Það er alveg djöfulegt að vera á kafi í prófstressi sem rennur út í það að verða prófstress... maður getur aldrei gert eins mikið og maður hefði viljað. En ég sé fram á það að vera ekki í skóla fyrir jólin næst svo að það verður bara jólastressið í það skiptið ;o)

ársuppgjör

2007-01-08T14:20:00.000Z

Jæja þá er enn eitt árið byrjað og ætli maður ætti ekki að reyna að gera upp gamla árið. Reyndar er minnið mitt ekki alltaf upp á marga fiska svo að ég er nú ekki alveg alltaf að muna allt sem er merkilegt. Ætli það sé ekki best að gera þetta í punkaformi.

- keypti mína fyrstu íbúð
- byrjaði í frábærri vinnu hjá frábæru fólki
- fór í eina útilegu í húsafell, kíkti niður í einn helli í leiðinni og mikið
rosalega var það gaman og flott að sjá.
- Teddi byrjaði í skóla og svakaleg spenna sem fylgdi því
- var svaka dugleg í líkamsræktinni í byrjun árs, en svo fór að halla undan fæti og
ég verð að taka mig svakalega á á þessu ári.

Hehe eins og áður sagði þá er minnið kannski ekki upp á marga fiska og þetta kannski ekki merkilegir hlutir í annarra augum, en þetta er það sem ég man og virðist standa uppúr ;)

Núna er ég bara að bíða eftir síðustu einkunninni minni, gekk ágætlega, búin að fá 4 einkunnir og þar af var eitt fall. En það get ég lagað með því að skrifa eitt stykki ritgerð í sumar. En ég var nú nokkurn veginn búin að ákveða það fyrirfram að skrifa ba ritgerðina mína í sumar og útskrifast þá í október í stað þess að útskrifast í júní. Hinar einkunnirnar voru sæmilegar, ein 6,5, ein 8 og ein 9. Núna bíð ég spennt eftir því að skólinn byrji og ætla bara að vera í 15 einingum og vinna einn dag í viku og annan hvern laugardag. Þannig að ef ég klúðra einhverju í skólanum á vorönninni þá verð ég að dæmast aumingi.

Uppfærsla

2006-12-14T19:12:00.000Z

mikið að gera, mikið búið að gerast og annað hefur staðið í stað.

Ég á eftir 2 próf og eitt verkefni fyrir jól, svo þegar það er búið, þá fer að ég vinna og fæ ekkert svakalega mikið frí þetta "jólafríið". Ég er svosem ekkert svakalega stressuð útaf þessum prófum... er eiginlega alveg viss um að þetta reddist allt saman.

Ég er búin að eignast mína fyrstu fartölvu, ég er búin að vera að vinna á fullu, ég er búin að þymgjast alveg helling og hef ekki hreyft mig neitt... en það stendur allt til bóta.

Við höfum það gott hér í íbúðinni okkar, erum enn svakalega ánægð með hana. Tommi ætlar að eyða helginni í að setja upp jólaskraut, svona á meðan ég fer í próf og læri.

Jæja komið gott í bili... er að fara að borða

later

afþví að svona er svo skemmtilegt :P

2006-12-14T19:11:00.000Z

1. miðnafnið mitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veikur?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú keyra með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?

jæja

2006-10-26T16:28:00.000Z

Hehe nú er sko heldur betur kominn tími á færslu :o)

Skólinn er búinn að vera á fullu, búin að standa mig misvel í mætingu á milli kúrsa. Verkefnin eru að gera útaf við mig og ég á í stanslausri baráttu við innri djöfla sem segja mér að ég þurfi ekki að gera verkefnin tímanlega og að ég sé komin með mikið meira en nóg af skólanum. Á of lítið eftir til að það taki því fyrir mig að taka pásu. Maður verður bara að berjast áfram ;o)

Líkamsræktin er alls ekki að virka þessa dagana... hef eigilega bara ekkert farið í ræktina... töluverð breyting frá því sem var síðasta vetur. Enda er það sko alveg farið að sjást. En upp á móti er ég dugleg að taka lýsi á hverjum degi og labba nú eitthvað á hverjum degi. Maður þarf að fara að rífa sig upp úr þessari leti.

Heimilið er misjafnt eftir vikum, eina vikuna er ég svakalega dugleg við að þrífa og taka til, svo koma hinar vikurnar þegar letin ræður ríkjum og öll vinnan er ónýt. En það eru samt fleiri dagar þar sem íbúðin er nokkurn vegin hrein heldur en fyrir ári síðan.

Um helgina á ég afmæli og mér finnst sko tíminn búinn að líða ógeðslega hratt. Trúi því varla að annar afmælisdagur sé kominn. Ég verð með partý fyrir þá nánustu... og eins og svo oft áður þegar ég er með heimboð, þá virðist stefna í ca. 50% mætingu. Þarf að fara að komast að því hvernig maður getur skipulagt partý þannig að sem flestir mæti.

Á morgun er ég að fara í fyrsta foreldraviðtalið vegna Tedda... pínu skrítið en annars alveg svakalega fyndið hvað maður er inni í svona skólamálum og hefur skoðun á öllum hlutum ;o)

Annars er lítið að frétta, lífið snýst um skólann, heimilið og vinnuna. Yfirleitt lítið spennandi að gerast hjá manni.

Skólinn byrjaður

2006-09-12T19:39:00.000Z

Mikið var nú skrítið að upplifa það að langa bæði að vera í vinnunni áfram og fara í skólann. Erfitt að segja bless við vinnuna... sem betur fer er ég að vinna 2 daga í viku og annan hvern laugardag. Hef aldrei upplifað það að vera í vinnu sem ég vill ekki hætta í þegar skólinn er að byrja. Maður er vanari því að vera búinn að fá ógeð á vinnunni þegar enn er mánuður í skólann.

Skólinn lítur mjög vel út og ég er mjög spennt fyrir vetrinum. Held að ég sé svei mér þá í 5 skemmtilegum kúrsum, vísu eru það 20 einingar, en ég ætti að ráða við það :o) Ég er nú svoddan dugnaðarforkur :op

Líkamsræktin er að fara af stað og byrjunartakmarkið að mæta þrisvar í viku og vera duglegur að koma sér í betra form.

letin að gera útaf við mann

2006-08-27T14:41:00.000Z

jæja þá er maður búinn að liggja í dvala í smá tíma.

Teddi byrjaði í skólanum á föstudaginn og vorum við Tommi eins og hinar ungamömmurnar við að fylgja honum í skólann... þetta leggst nú bara nokkuð vel í okkur og Teddi var nokkuð spenntur þarna á föstudagsmorguninn.

Vinnan er ennþá frábær og verð ég að vinna með skólanum í vetur, verður kannski pínu strembið, þar sem ég er í 20 einingum á önn, en ég redda því ;o)

Vigtin er ekki vinur minn þessa dagana... á rosalega erfitt með að koma ræktinni inn í daglegt amstur og held að það komi ekki til með að takast fyrr en að skólinn er byrjaður. Þangað til þá ætla ég bara að gera mitt besta til að ég fari ekki í of háa tölu. Svo verð ég að vera dugleg í vetur og taka þetta föstum tökum!

Skólinn byrjar 4. sept. og ég sveiflast á milli þess að vera spennt og ekkert spennt. Vona bara að þetta verði skemmtilegur vetur og allt gangi upp, því þá verð ég komin með BA gráðu á næsta ári :oD mér finnst það nú samt svakalega fjarlægt og hef oftast ekki trú á því að ég geti skrifað BA ritgerð, en ég er að vinna í því hugarfari svo að ég klúðri nú ekki öllu fyrir sjálfri mér ;o)

kominn tími á færslu

2006-07-14T21:06:00.000Z

jæja nú er orðið ansi langt síðan síðast og margt búið að gerast. Fyrir það fyrsta þá er ég flutt í íbúðina mína og er sko alveg að njóta þess í botn. Ekkert smá notalegt að vera hérna í hlíðahverfinu. Íbúðin er smám saman að taka á sig mynd og ætti allt að verða klárt í næstu viku, þ.e. ef rúmfatalagersstarfsmenn drífa sig í að tæma gám hjá sér sem innheldur hillusamstæðuna sem við ætlum að kaupa.

Þann 17. júní átti ég fimm ára stúdentsafmæli og fór af því tilefni norður á Akureyri. Fór norður að morgni þanns 14. og kom heim aftur þann 18. Mikið svakalega var það gaman, enda langt síðan það hefur verið svona mikið útstáelsi á mér. Líka gaman að hitta alla aftur og svo virðist sem ég hafi komið nokkrum á óvart með nærveru minni. En það er bara gaman ;o)

Vinnan er ennþá frábær og fólkið alveg meiriháttar, enda ef stundaskráin mín leyfir þá held ég að ég hafi vinnu með skólanum og í jólafríinu.

Á þriðjudaginn eignaðist ég lítinn frænda, en þá átti Kæja kærastan hans Birkis lítinn prins sem var 16 merkur og 55 cm. Ég er meira að segja búin að fá að máta hann... og vá ég væri sko alveg til í mitt eigið. En það bíður betri tíma.

Lífið er svona rétt að byrja að ganga sinn vanagang aftur eftir flutningastress og læti þannig að ég fer að koma ræktinni að í stundaskránni aftur og allt þar vonandi aftur á niðurleið ;o)

alltaf jafn dugleg ;)

2006-05-27T12:21:00.000Z

hehe ok ég veit að ég er ekki búin að uppfæra tölur, en þetta hefur gengið illa... kemst allt í lag þegar ég er flutt, þá verður ræktin alveg komin inn í prógramið.

Við erum að fá íbúðina afhenta á morgun og ég get sko eiginlega ekki beðið... vill helst sko flytja í gær ;) en við þurfum að mála áður en við flytjum þannig að ætli flutningar verði ekki eftir ca. 2 vikur! Eða það segir Tommi. Helst vildi ég bara drífa í þessu og flytja næstu helgi ;)

Vinnan mín er fín, er þó enn að venjast því að fá hrós fyrir vel unnin störf... maður er ekkert vanur að fá "feedback" frá yfirmönnum, tjah nema þá helst þegar maður gerir eitthvað vitlaust... en núna er ég sko búin að fá að heyra hvað ég er dugleg og fljót að læra :oD ég veit ég er að monta mig... en það er bara gaman ;)

Svo eru einkunnirnar að skila sér inn... er komin með eitt fjarverandi (en ég mætti ekki í prófið) og eina sjöu. Ég er skráð í eitt sumarpróf, en ég hugsa að ég sleppi því og sitji frekar kúrsinn aftur á næsta ári. Ég klúðraði honum aðallega með því að mæta ekki í fyrirlestra, en komst svo að því seinna að kennarinn er alger snillingur. Svo sá ég það um daginn að hann á að kenna þetta aftur í haust og ég hugsa að það sé alveg þess virði að fara aftur í kúrsinn... þó það kosti mig það að vera í 20 einingum á haustönn. Svo var ég búin að ákveða að sitja bókmenntagreininguna (þar sem ég fékk fjarverandi) aftur næsta vor... þannig að ég verð líka í 20 einingum þá. Þetta verður stór vetur, tala nú ekki um líka því ég þarf að vinna eitthvað smá með skólanum líka. En ég hef fulla trú á mér... veit að ég get þetta alveg :)

Nóg að gera

2006-05-09T10:57:00.000Z

Jæja það er sko nóg að gera hjá mér þessa dagana. Er búin að vinna 4 daga frá 13-17 í sumarvinnunni, já ég veit að ég er í prófum, en ég ákvað samt að byrja að vinna svona. Svo byrja ég af fullum krafti þar á mánudaginn næsta. Lítur rosalega vel út og fólkið sem á búðina virðist vera alveg meiriháttar. Hef fulla trú á því að þetta verði gott sumar.
Af íbúðarmálum er lítið að frétta, erum eiginlega bara að bíða eftir því að heyra frá kallinum, hvort hann fari eitthvað fyrr útúr íbúðinni eða ekki. Vonum það besta, væri sko meiriháttar að geta flutt bara strax um mánaðarmótin. Annars erum við öll að deyja úr spenningi yfir þessu öllu saman.
Af skólanum er það að frétta að ég er búin að fara í eitt próf, búin að sleppa einu prófi og á tvö próf eftir. Er einhvern veginn að hafa of litlar áhyggjur af þessu öllu saman og þar afleiðandi kem ég til með að taka þokkalegt stresskast einhvern tímann í vikunni!
Jæja ætlaði bara að koma með nýjar fréttir og nýja tölu. Nú er hins vegar komið að því að halda áfram að læra ;)

Nýjar tölur, nýtt upphaf

2006-05-01T13:31:00.000Z

Jæja þá er það komið í ljós að ég þyngdist um fimm kíló aftur :S.
Ég set nýtt upphaf... 112 kíló í byrjun, enn 7 kílóum léttari en í haust :D
Núna er bara að keyra allt af stað og byrja aftur á fullu.

Annars á ég að vera að skrifa ritgerð frekar en að vera að spá þessu öllu. Maður finnur sér alltaf eitthvað annað að gera þegar maður á að vera að læra.

jíha

2006-04-28T16:23:00.000Z

Jæja þá er allt að lagast aftur... ég er búin að skrifa undir kaupsamning og flyt í júní. Fyrsta íbúðin sem ég kaupi :D og ekki nóg með það að sama dag og kaupsamningur var undirritaður, þá fékk ég sumarvinnu. Vá hvað það var meiriháttar... enda er stressið smám saman að líða úr manni... bara eftir að stressa sig yfir prófunum, en ótrúlegt en satt, þá er ég voðalega lítið stressuð. Reyndar í vandræðum með að stilla mig yfir í prófgírinn. En það hefst vonandi.

Aðrar fréttir eru þær að ég fæ nýtt líkamsræktarkort á næstu dögum... þá ætla ég að birta nýjar tölur og núlla mælinn hérna uppi. Veit það er kannski asnalegt hjá mér, en ég ætla bara að byrja upp á nýtt, nýtt upphaf. Ég veit líka að ég er búin að þyngjast síðasta mánuðinn, verður ábyggilega erfitt að stíga á vigtina, en það er skref sem ég verð að taka.

Læt ykkur vita þegar ég er búin að taka það stóra skref :P

Tími til kominn

2006-04-19T08:49:00.000Z

Úff langt síðan síðast, hér hefur mikið gengið á. Lífið hefur verið rússibani dauðans. Erum í því ferli að kaupa íbúð og það hefur gengið upp og ofan, en eins og staðan er núna lítur allt út fyrir það að við flytjum í okkar eigin íbúð í júní. En vegna alls stressins í kringum þetta, þá hef ég ekki verið svakalega dugleg í ræktinni, auk þess sem ég á ekki lengur líkamsræktarkort. Er að reyna að ákveða í hvaða líkamsæktarstöð ég á að fara.
Svo er að aukast stressið útaf skólanum, er í prófum í maí. Hef ákveðið að fara ekki í eitt próf og taka kúrsinn aftur næsta vetur. Ætla þá að bæta hugarfarið gagnvart kúrsinum. Ætla að bæta upp fyrir það að hafa hugsað mjög neikvætt í garð þessa kúrs og kennara í vetur.
Svo er ég búin að fara í eitt atvinnuviðtal og á leiðinni í annað í dag. Vona bara að það gangi vel og ég fái vinnu, svo ég þurfi ekki að hafa áhyggjur af vinnu mikið lengur. Hef nógu miklar áhyggjur nú þegar.

Hver vill skipta?

2006-03-30T13:38:00.000Z

Hef hérna eitt stykki stress dauðans sem ég þarf að losna við. Í staðinn þætti mér vænt um að fá hugarró.

Agalegt hvað þetta stress fer illa í mig, síðustu 2 vikur hef ég átt allavega 5 svefnlitlar nætur og það litla sem ég hef sofið hefur innihaldið mjög svo brenglaða drauma, þannig að hvíldin er lítil sem engin! Vona að þetta lagist hjá mér þegar núna um helgina... þá ætti mest stressið að ganga yfir... bara svona svo það geti byrjað að byggjast upp aftur því að það er bara rétt rúmur mánuður í prófin mín.

Núna erum við Tommi að prófa Hreyfingu, fengum sitthvorn þriggja vikna prufupassann þar inn... smá munur að vera þar þegar maður er búinn að vera að æfa niður í laugum! Þannig að vigtartölur næstu 3 vikurnar eru miðaðar við vigtina þar... og miðað við hvernig hún hefur byrjað, þá ætla ég sko ekkert að kvarta! :O)

En jæja á víst að vera að taka til hérna heima, er með system of a down í botni og nýt þess að vera ein heima með mína tiltektartónlist :oD

Fréttir

2006-03-24T13:41:00.000Z

Úff hvað ég er löt við þetta. Reyndar alveg nóg annað að hugsa um.
Við erum að láta okkur dreyma um að kaupa okkur íbúð, en það er að stranda á svo miklu og maður er að deyja úr stressi yfir því öllu. En það ætti að koma í ljós á næstu 2 vikum og ég get sko varla beðið!
Svo er skólinn búinn að vera erfiður við mig, próf og skýrsluskil í þessari viku, mikið stress tengt því. Enda hef ég átt 2 svefnlitlar nætur í vikunni.
Útaf öllu þessu stressi hefur ræktin setið svoldið á hillunni :S en við Tommi ætlum að fara saman í ræktina á morgun. Já þið lásuð rétt, Tommi ætlar að koma með mér í ræktina ! Loksins hef ég fengið hann til að koma með mér! :D

fréttir

2006-03-15T21:55:00.000Z

Vigtin er ekki sammála mér þessa dagana, færist hægt uppá við aftur... en ég hef sagt henni stríð á hendur og ætla mér að rífa mig upp á rassgatinu aftur. Eina vandamálið er skortur á hollum og fjölbreyttum mat á heimilinu, en ég vona að það fari að lagast.

Af húsnæðismálum er það að frétta að við erum kannski farin aðeins fram úr okkur, fórum nefnilega síðustu helgi og skoðuðum 3 íbúðir. Féllum eiginlega alveg fyrir einni þeirra og ætlum að fá að skoða hana aftur um helgina. Í leiðinni ætlum við að láta athuga með rafmagnið þar og pípulagnirnar. Held að það sé sko ekkert vitlaust þegar maður er að spá í að kaupa íbúð í húsi sem var byggt 1947. Við bíðum bara eftir bankanum sem er að gera tilboð í viðskiptin okkar og ef það kemur vel út og gengur vel, þá förum við í greiðslumat í þessari eða næstu viku. Þannig að það styttist allavega í það að við fáum að vita hvort það verður okkar eigið eða leiguhúsnæði sem við komum til með að flytja í þegar við flytjum héðan :oÞ

jæja

2006-03-09T10:06:00.000Z

Það var að koma í ljós í gær að við flytjum mjög sennilega á þessu ári. Erum búin að vera að hugleiða að athuga með íbúðakaup og erum svona aðeins að vinna í því máli, en höfum samt sko ekkert ákveðið, enda ekki vitað hvort við höfum efni á því. En í gær þá hringdi sú sem á íbúðina sem við leigjum og tilkynnti okkur að hún væri að skrá hana á sölu. Þannig að það er orðið nokkuð ljóst að við flytjum á þessu ári, bara ekki vitað hvort það verður í eigið húsnæði eða annarra. Þó vona ég heitt og innilega að það verði eigið húsnæði. Samt finnst mér ég gífurlega "fullorðin" að vera farin að hugsa um að kaupa eigin íbúð :oÞ Samt er maður nú orðinn nokkuð "fullorðinn", ég á fósturbarn, bíl, kærasta og hund... hehe við erum sko svona ekta fjölskylda, tjah fyrir utan þá staðreynd að við eigum ekki íbúð/hús. (já og kannski það að við erum ekki gift)

Í dag erum við Teddi heima, hann er lasinn. Var með hita þegar hann vaknaði í morgun :os vona bara að þetta sé ekki "flensan" illræmda. Verst er að hann á að fara til mömmu sinnar á morgun en það er ekki víst að það gangi eftir.

ugh

2006-03-08T21:25:00.000Z

Ohhh hvað ég er eitthvað sloj. Ég er búin að vera með hausverk í nokkra daga... ekkert rosalega spennandi. Vigtin í world class er ekki sammála mér, eða ég búin að vera of dugleg í að gera allt annað en ég á að vera að gera. Því ég hef bætt á mig hálfu kílói :o(

Enn fleiri tölur

2006-03-03T14:54:00.000Z

Jæja fyrst ég er nú byrjuð á því að birta tölur, þá eru hérna heildar tölur úr báðum námskeiðum. Tók byrjunar tölur úr fyrra námskeiði og dró frá lokatölur úr seinna námskeiði.

Námskeiðið

2006-03-03T08:59:00.000Z

Jæja svona kom námskeiðið svo út hjá mér. Ekkert svakalegur árangur en ég ætla samt bara að vera sátt við hann. Ég ætla ekki á næsta námskeið heldur ætla ég að fara í spinning og lyfta sjálf. Já kannski maður taki það fram að þessar tölur miða við það að ég er í fötum. En mínar tölur miða við mig án þeirra :oþ

Árangurinn

2006-03-01T19:52:00.000Z

Jæja vildi bara sýna ykkur hvernig vigtin mín hefur þróast. Geri upp námskeiðið á föstudag, þá verð ég komin með allar tölur í hendurnar

Kíló BMI Kíló breyting BMI breyting
01.09.2005 119 45,3
07.09.2005 113,8 43,4 -5,2 -1,9
14.11.2005 113,2 43,1 -5,8 -2,2
21.11.2005 112,5 42,9 -6,5 -2,4
30.11.2005 110,9 42,3 -8,1 -3
07.12.2005 111 42,3 -8 -3
14.12.2005 111,9 42,6 -7,1 -2,7
19.12.2005 111,8 42,6 -7,2 -2,7
27.12.2005 112,5 42,9 -6,5 -2,4
03.01.2006 112,6 42,9 -6,4 -2,4
10.01.2006 112,2 42,8 -6,8 -2,5
16.01.2006 111,3 42,4 -7,7 -2,9
25.01.2006 109,8 41,8 -9,2 -3,5
01.02.2006 109 41,5 -10 -3,8
07.02.2006 108,8 41,5 -10,2 -3,8
14.02.2006 109 41,5 -10 -3,8
23.02.2006 108,8 41,5 -10,2 -3,8
01.03.2006 107,9 41,1 -11,1 -4,2

smá sýnishorn

2006-02-23T20:08:00.000Z

Stal aðeins myndum frá Sillu og Veigari.

Þessi mynd var tekin í febrúar á síðasta ári:

og þessi í skírn hjá þeim núna í enda janúar (afsakið bolinn minn, aðeins of fleginn :op).

Glöggir lesendur ættu að sjá einhvern mun á þessum 2 myndum.

Loksins

2006-02-23T16:48:00.000Z

Loksing komst ég á vigtina, 200 grömm farin aftur... þannig að ég virðist vera búin að snúa blaðinu við aftur. Er búin að fara á mánudag, þriðjudag, miðvikudag, fimmtudag, fer svo á morgun líka og ætla í annan spinningtíma á laugardag :oD
Gæti meira að segja verið að ég skelli mér á sunnudagsmorgun... en sjáum til með það. Ég þarf líka að þrífa heimilið fyrir sunnudaginn, á von á gestum og maður verður nú að hafa heimilið fínt fyrir þá :oD Svo er það nú ansi mikið púl að þrífa, þarf að hafa mig inn í geymslu og henda draslinu sem er þar... það kostar allavega 1 eef ekki 2 ferðir í sorpu :oO hehe ég veit hvað þið hugsið núna, þvílíka draslið! en sko þetta er enn drasl eftir fyrri leigjanda í íbúðinni og drasl sem eigandinn átti hérna og hefur gefið okkur leyfi til að henda... við eigum kannski samt helminginn af því :op

Vigtarleysi

2006-02-22T20:02:00.000Z

Arg ég þoli það ekki hvað þeim í world class virðist þykja það erfitt að hafa vigt í kvennaklefanum. Nú er ég ein að þeim sem reiðir sig á að geta stigið á vigtina þar, þar sem ég á ekki vigt heima. En nei, vigtin bilaði í síðustu viku og það er enn ekki búið að gera við hana, né koma með nýja í staðinn. Fer alveg rosalega í taugarnar á mér, sérstaklega því þetta er fyrirtæki sem mokar inn peningum frá viðskiptavinum og geta ekki einu sinni boðið upp á þessa þjónustu, sem maður hefði haldið að væri sjálfsögð í fyrirtæki í þessum bransa!

Jæja búin að losa um þetta, þá er komið að klukkinu, var farin að halda að ég myndi sleppa, en nei, skamm Lovísa :op

4 störf sem ég hef unnið um ævina: Kerrukrakki í Hagkaup, fiskverkakona í Jökli og Portlandi, bílstjóri hjá Íslandspósti og starfsmaður á endurvinnslustöðvum Sorpu.

4 bíómyndir sem ég get horft á aftur og aftur: 10 Things I hate about you, Dirty Dancing, LOTR myndir og Harry Potter myndir.

4 staðir sem ég hef búið á: Ísafjörður, Reykjavík, Akureyri, Þorlákshöfn.

4 sjónvarpsþættir sem ég fíla: Gilmore Girls, Biggest Loser, Sex and the City og Lost.

4 staðir sem ég hef heimsótt í fríum: England, Danmörk, Noregur og Krít.

4 síður sem ég skoða daglega: mbl.is, hi.is, barnaland.is og mininova.org.

4 matarkyns sem ég held uppá: kjötsúpa, grjónagrautur, hamborgarhryggur og soðin ýsa.

4 staðir sem ég vil heldur vera á núna: í minni eigin íbúð, sólarströnd, á skautum og á stærsta bókasafni í heimi.

4 bloggarar sem ég klukka: Anna, Daðey, Magga og Jónína.

Úff var sko ekki erfitt fyrr en ég var komin í 4 staði sem ég vil frekar vera á, þá stoppaði ég... annars gæti ég sett inn fleiri hluti á flestum stöðum!

Spinning

2006-02-18T18:50:00.000Z

Ég fór í spinning tíma í dag, mikið svakalega tók ég þar. Entist meira að segja næstum allan tímann, við fórum út þegar eitt lag var eftir, en það lag var aukalag, þannig að ég fyrirgef mér það sko alveg :o) Hugsa að ég fari bara að fara í spinning þegar námskeiðið er búið, ég veit allavega að ég kem til með að brenna þar. Það var nefnilega ekki til þurr þráður í fötunum mínum.
Í gær fór ég með námskeiðiskonum í baðstofuna í Laugum, svakalega notalegt, væri alveg til í að hafa alltaf aðgang að henni :o)
Annars eru bara 2 vikur eftir að námskeiðinu og þá er um að gera að setja allt í fimmta gír og taka vel á því. Er búin að vera í smá lægð hvað hreyfingu varðar og kom það aðeins niður á vigtinni. Held ég sé komin yfir það erfiðasta og nái að halda áfram í stað þess að hætta. Veit líka að ef ég hætti núna mun ég seint fyrirgefa mér það. Svo er ég með alveg frábæra gulrót fyrir næstu 10 kíló, þegar það markmið næst fer ég í klippingu, en ég hef ekki farið í klippingu síðan í maí :os

vikulegur vigtarpistill

2006-02-14T14:16:00.000Z

Jæja þá fór ég á vigtina í dag. Bjóst nú ekki við fallegum tölum þar, en hún varð ekki eins ógurleg og við mátti búast. Búin að vera að borða mjög vitlaust undanfarið og ekki verið nógu dugleg að mæta í ræktina. Þó þyngdist ég bara um 200 grömm, var sko alveg búin að sjá fyrir mér að hafa þyngst um kíló.

Tommi er kominn með vinnu, byrjaði að vinna í dag. Þá er manni sko mikið létt, þarf ekki að hafa neinar rosalegar áhyggjur af næstu mánaðarmótum.

Annríki

2006-02-09T12:13:00.000Z

Úff púff það er sko búið að vera mikið að gera hjá mér. Var í kúrs sem var kenndur á 3 vikum, 3svar í viku og á þessum tíma tók ég 2 próf og skilaði einni ritgerð. Ég veit þetta er ansi mikið, en það sem bjargaði var að kennarinn var yndislegur. Hann er kennari við University of Albright og kom bara í svona kennaraskipta prógrammi. Enda sýnir það sig alveg á einkunnum hvað kennarinn var meiriháttar, meðaleinkunnin var 8,4 en ég var með 8,5.
Núna er ég byrjuð á öðru svona námskeiði, núna er kennt í 2 vikur og svo aðrar 2 vikur í mars. Ekki alveg eins skemmtilegur kennari en það sleppur samt. Í þessu námskeiði komum við til með að skrifa 40% ritgerð, er reyndar ekki kominn skiladagur á hana.
Auk þess að vera í þessu öllu, þá á ég að gera aðra 40% ritgerð í íþróttabókmenntum, 20% verkefni í aðferðafræði og nokkur verkefni í bókmenntafræði. Svo er miðannarpróf í bókmenntafræði og aðferðafræði. Eins gott að maður sinni skólanum vel :oD

fyrsta takmarki náð

2006-02-01T09:17:00.000Z

jíha loksins náði ég fyrsta takmarkinu mínu, það eru farin 10 kíló. Verðlaunin eru buxur, en ég var búin að kaupa þær í desember, varð að gera það þar sem ég var gjörsamlega búin með íþróttabuxurnar mínar.

Næsta markmið eru næstu 10 kíló og þegar því marki verður náð ætla ég í klippingu :)

vigtun í námskeiðinu

2006-01-30T16:02:00.000Z

Jæja þá er ég búin að fara í vigtun í námskeiðinu, ég léttist um 2 kg, minnkaði ummálið um 5 cm og fituprósentuna um 9 prósent. Þá er ég að miða við vigtunina sem var 9. jan :D
Þessar tölur hafa þó engin áhrif á teljarann hér uppi, ætla í world class á morgun og þá stíg ég á vigt til að uppfæra teljarann.
Á meðan ég man, ég veit að það er mjög óraunhæft að ég nái markmiðinu, en ég ætla ekki að breyta því fyrr en bara 1. sept, því að þetta var sett upp svona í upphafi til þess að ef ég myndi ná þessu markmiði á settum tíma, þá átti ég að fá að kaupa mér fartölvu. Þetta hefur ekki gengið eins hratt fyrir sig og ég hafði vonað, en ég gefst ekki upp þó ég nái því ekki. :D

betra er seint en aldrei

2006-01-25T10:00:00.000Z

Jæja komst loksins á vigt í dag og get sagt að ég sé MJÖG ánægð :D

Hef ekki tíma í að skrifa meira, er að læra undir próf.

þriðjudagar

2006-01-17T17:51:00.000Z

hehe hvað er þetta með mig og þriðjudagana, virðist oftast blogga á þriðjudögum :P

hmmm....

2006-01-17T17:42:00.000Z

Jæja þá er lífið að komast aftur í fastar skorður eftir jólafrí. Skólinn að rúlla af stað og 4 tímar búnir í námskeiðinu. Fór í aðra vigtun um daginn og þá voru þetta bara 5% sem ég hafði bætt á mig aftur.

Mér líst vel á þessa önn í skólanum, er að vísu í 2 kúrsum sem eru kenndir í 3 og 4 vikur. Þannig að álagið gæti orðið ansi mikið, en ég held ég ráði alveg við það. Þarf að lesa 14 bækur, mest skáldsögur og smásögur, þannig að bókaormurinn í mér fær sko alveg að njóta sín!

Fyrir námskeiðið set ég mér markmið að ná af mér 6 kílóum, 15% í fitu og 10 cm af mittinu... held það sé nokkuð raunhæft, þar sem ég náði af mér 4 kg., 10 % og 8 cm á síðasta námskeiði. Svo er ég líka mikið að spá í að skoða danska kúrinn og ef það gengur vel á ég eftir að hverfa á árinu :oD en það er allt gott og blessað um það að segja ;)

DV

2006-01-10T19:36:00.000Z

Úff ekki grunaði mig þegar ég sá forsíðu DV í morgun hve alvarlegar afleiðingarnar yrði af forsíðufréttinni. Fjölskylda mín þekkti nokkuð vel til þessa manns og ég benti Tomma einmitt á þessa grein í morgun.
Áðan talaði ég svo við mömmu og þá var hún búin að fá fréttir þess efnis að þessi virti maður tók sitt eigið líf í morgun. Nú er ég ekki endilega að segja að hann hafi verið alsaklaus, en það er staðreynd að maður er saklaus uns sekt er sönnuð.
Hugsið ykkur bara fyrir manninn sem var virtur í sínu bæjarfélagi og víðar að hafa svona ásakanir yfir höfði sér, hvað þá að það sé gert opinbert fyrir alþjóð. Eitt er víst að þetta reyndist honum óyfirstíganlegt.
Lítið álit hafði ég á DV fyrir, en ég get sagt ykkur það að það litla álit sem enn var til staðar er gjörsamlega horfið.

Fyrsta vigtun

2006-01-10T12:30:00.000Z

Í gær var fyrsta vigtun í nýju námskeiði. Þar kom í ljós að ég hef þyngst um 800 grömm, misst einn cm af mittinu og hækkað fituprósentuna um 10%. Reyndar finnst mér það mjög skrítið þetta með fituprósentuna, hélt ekki að hún gæti hækkað svona mikið án þess að það sæist meira á hinum tölunum. Er mikið að spá í að ræða þetta við þjálfarann og fá kannski aðra vigtun :/

Skaði jólanna

2006-01-03T12:58:00.000Z

Jæja þá er skaði jólanna kominn fram á vigtinni, ég þyngdist um 1 og hálft kíló síðan ég fór í vigtun hjá þjálfaranum þann 21. des. Mér finnst það nú samt ekkert rosalega mikið miðað við það hvað maður át mikið.

Ég er hætt að vinna og Tommi er á fullu að leita að vinnu. Hann er búinn að sækja um á mörgum stöðum svo við bíðum og vonum, á meðan er hann alltaf hjá Hive á kvöldin. Það munar alveg helling um það.

Ef þið vitið um einhvern sem vantar íbúð í Þorlákshöfn megið þið alveg láta okkur vita. Það er þriggja herbergja íbúð í blokk.

Annars er maður bara að bíða eftir að skólinn og námskeiðið byrji. Það byrjar bæði á mánudaginn. Ég er mjög spennt fyrir bæði skóla og námskeiði :D

vigtin enn og aftur

2005-12-27T11:41:00.000Z

fór í ræktina í morgun og er hálfu kílói þyngri en í síðustu viku. Sem er bara nokkuð lítið miðað við átið á manni síðustu þrjá daga ;)

Gleðileg Jól

2005-12-26T11:58:00.000Z

jæja þá eru enn ein jólin langt komin. Maður hefur haft það gott hérna heima og étið á sig gat. Það komu alveg heill hellingur af pökkum hér inn á þetta heimili. Tommi gaf mér hárblásara :D
Stærstu gjöfina fékk ég þó fyrir jólin, en ég fæ að halda áfram á næsta námskeiði í world class, var fyrst til að skrá mig á það ;)
Hlakka mikið til, því að ég veit að ég get gert betur en á síðasta námskeiði, þannig að allt stefnir í það að ég verði spengileg og flott næsta sumar :p

Minns er ánægður

2005-12-21T17:28:00.000Z

Jæja þá var síðasta vigtun í námskeiðinu í dag.
Allt í allt léttist ég um 4 kíló, missti 8 cm af mittinu og 10% í fitu. Ég er mjög sátt :D

Í dag fór ég líka í síðasta prófið á þessu misseri, held ég nái því, tjah eða vona það innilega.

úff og púff

2005-12-16T14:00:00.000Z

Ég er svo innilega að rústa prófunum mínum... er einhver asnaleg hugsunarvilla í gangi hjá mér... á erfitt með að læra því ég er viss um að standa mig hvort sem er ekki vel!
Ég hef ekki sinnt skólanum sem skyldi núna í haust og er að finna fyrir því núna þessa dagana. Er að vísu komin með einkunn í kúrs sem hafði ekkert lokapróf, þar fékk ég 7. En það var líka eini kúrsinn sem ég sinnti eitthvað af ráði.
Er búin að fara í eitt próf, það getur farið á báða vegu. Svo er annað próf á morgun og það þriðja á miðvikudaginn. Ég efast um velgengni í prófinu sem er á morgun því að þar er ég að taka 100% próf í stað þess að vera búin að taka 50% af því áður. Þannig að ég er með viðbjóðslega mikið lesefni sem ég er ekki búin að lesa. Ætla samt að reyna mitt besta :)

úbbsadeisí

2005-12-12T09:57:00.000Z

Jæja ég hef ekki verið of dugleg við að fylgjast með mataræðinu síðustu vikuna. Læt mér þetta að kenningu verða því ég er búin að þyngjast um kíló :(

Annars er ég bara að reyna að vera dugleg að læra undir próf, það gengur nú svona upp og ofan. Fannst mikið meira gaman að fara í jólagjafaleiðangur og að setja upp jólaseríur á helginni. En núna bara verð ég að sitja við bækurnar dag og nótt, því ég er í prófi 15., 17. og 21. já þið lásuð rétt, síðasta prófið er ekki fyrr en 21. og er ég MJÖG ósátt við það. Sérstaklega því ég verð að vinna svo 22., 23. og kannski 24.

komið í lag

2005-12-07T09:12:00.000Z

Þá er komin uppfærsla á tölum hjá mér, þyngdist um 100 grömm, sem er nú ekki mikið miðað við helgin var viðbjóðslega sveitt hvað mat varðar. Meira að segja stalst ég til þess að borða nammi alla dagana :(
En maður tekur bara á því og gerir betur næst ;)

World Class

2005-12-05T11:40:00.000Z

Ég þoli ekki eitt í sambandi við World Class. Nú er þetta nokkuð stórt fyrirtæki með ansi marga kúnna. Þessvegna hefði maður haldið að þeir hefðu efni á því að vera með almennilega vigt í klefunum hjá sér. Síðan ég byrjaði að stunda þessa stöð (þ.e. Laugar) í haust, hefur vigtin bara virkað stundum. Núna upp á síðkastið hefur hún bara yfir höfuð ekki virkað og er ég búin að kvarta undan þessu við fólk þarna. Þannig að vigtartalan mín uppfærist ekki í dag. Vonandi kemst ég á vigtina á morgun í staðinn.

Vigtin þessa vikuna

2005-11-30T09:29:00.000Z

Jæja ég veit ég átti að uppfæra á mánudaginn, en vigtin í World class var biluð þannig að ég fékk enga tölu þá. Þannig að ég set inn töluna sem ég fékk í dag.

Fækkun í fjölskyldunni

2005-11-27T13:29:00.000Z

Jæja þá fækkaði um einn í fjölskyldunni. Hann Hnoðri er dáinn. Eftir langa baráttu við erfiða eigendur dó hann í gær/nótt. Hann náði sér aldrei eftir að hafa orðið óvart eftir í Þorlákshöfn í 6 daga.

vigtun

2005-11-25T09:42:00.000Z

Jæja þá var verið að vikta okkur á námskeiðinu. Síðan 31. okt hef ég misst 2,3 kíló, 4% í fitu og 2 cm af mittinu :D

Er bara nokkuð ánægð með það :D

Mér tókst samt að tjóna mig smá í tímanum áðan, var að hoppa eitthvað og það small eitthvað í hnéinu mínu. Ég get alveg gengið og allt það en ef ég gleymi mér og rétti alveg úr fætinum þá meiði ég mig. Vonandi jafnar þetta sig á helginni.

Kemst þó hægt fari

2005-11-21T09:20:00.000Z

Jæja ég mjakast enn í átt að markmiðinu mínu... en það gengur samt ekki alveg eins vel og ég vildi. Nú er bara að taka á honum stóra sínum og rífa sig upp á rassgatinu og breyta mataræðinu. Það þýðir ekkert minna en það.

Uppfærsla

2005-11-07T23:41:00.000Z

Jæja þá er ég búin að fara í 3 tíma í námskeiðinu mínu og gera mig að algeru fífli :p Eróbikk er ekki alltaf sammála mér :p

Hmmm... vigtin er ekki alveg upp á sitt besta en maður verður bara að taka sig á. Á morgun er fyrirlestur hjá næringarráðgjafa og er ég að vona að maður læri eitthvað af honum. Sérstaklega því ég þarf að taka mér frí í vinnu til að fara á hann :s

Svo eru sorgarfréttir, hún Dögg tíkin hans pabba er dáin. Hún varð lasin og það þurfti því miður að svæfa hana. Það ríkir mikil sorg í fjölskyldunni því þetta var einn besti hundur sem við höfum haft í kringum okkur.

námskeið í world class

2005-10-31T11:35:00.000Z

Jibbí!!!!
Ég var að vinna 8 vikna námskeið í world class :D
Ég heyrði auglýsingu á rás 2 í síðustu viku þar sem þau töluðu um að gefa 2 konum og 2 körlum 8 vikna námskeið í world class, það eina sem maður þurfti að gera var að senda þeim e-mail. Ég sló til og sendi og í morgun hringdi hún Hrafnhildur sem er með þáttinn brot úr degi í mig og tilkynnti mér að ég hafði verið dregin út :D þetta námskeið endar á milli jóla og nýárs, þannig að manni er ekki leyft mikið um jólin :p

Annars er það að frétta að ég átti mjög góðan afmælisdag, fékk helling af kveðjum þó allir hafi ekki munað eftir mér ;) en það var allt í lagi, fólki er alveg fyrirgefið :p ég fékk pússl, 2 sudoku bækur, 2 baðkúlur, 30 mín. slökunarnudd, ilmkerti og baðsápu og bodylotion frá bodyshop. Ég vil bara nýta tækifærið og þakka öllum fyrir :*

ritgerðir og afmæli

2005-10-24T11:54:00.000Z

Viktin uppfærist ekki í dag sökum mikilla anna í ritgerðarsmíð. Hef engan tíma til að fara í ræktina í dag :(

Þar sem afmælið mitt nálgast og ég nenni ekki að svara fólki þúsund sinnum um það hvað mig langar í í afmælisgjöf hef ég ákveðið að setja saman lítinn lista af hlutum.
-Geisladiska
-dvd
-kökuform (svona springform til að baka botna)
-baðkúlur
-bækur
-púsl
og alveg helling af alltof dýrum hlutum sem mér dytti ekki einu sinni til hugar að biðja um í afmælisgjöf :Þ

Ætli maður fari svo ekki bara eitthvað út að borða á afmælisdaginn. Ekki mikið annað sem við gætum gert þar sem Tommi er einhentur eftir aðgerð á öxl.

Viktin

2005-10-17T11:46:00.000Z

Jæja þá er ég farin af stað aftur eftir veikindi. Fór í gær, en það var fyrsta skiptið síðan á mánudaginn síðasta, lá heima alla vikuna að drukkna úr kvefi ;) Þannnig að þegar ég steig á viktina í morgun var ég alveg viss um að sjá nokkur kíló bætast við í stað þess að fara af. En ótrúlegt en satt þá voru þetta aðeins 100 grömm. Mikið var ég ánægð með það :D

jæja hætt í bili

2005-10-15T09:58:00.000Z

Ég er hætt að reyna að laga þetta, vona bara að fólki finnist þetta ekki alveg hræðilegt hjá mér ;)

Smá fikt í gangi

2005-10-15T09:39:00.000Z

hehe alltaf þarf ég að fikta smá ;) er að reyna að redda útlitinu aftur... ekki alveg sátt við þetta eins og það er akkúrat núna ;)

Vúhú einkunn í tvítyngi komin

2005-10-14T13:33:00.000Z

Jæja þá er maður búinn að fá fyrstu einkunn vetrarins. Þetta var 25% próf í tvítyngi og ég fékk 18 af 25 rétt en það gefur einkunnina 7,2 :D

kvef dauðans

2005-10-13T07:27:00.000Z

Úff ég er búin að vera heima í tvo daga vegna þess að ég er algerlega stífluð af kvefi! Hósta og hnerra eins og ég fái borgað fyrir það. Það er sko alls ekki gaman, tala nú ekki um líka útaf því að ég kemst ekki í world class á meðan. Myndi ábbyggilega drukkna ef ég reyndi það ;) Vonum bara að það komi ekki niður á viktinni minni ;)

Löglegur vigtardagur

2005-10-10T13:01:00.000Z

Jæja í dag er mánudagur og þá stíg ég á viktina og uppfæri teljarann minn. Ég get með stolti sagt að ég hef verið dugleg þessa vikuna :) 2,5 kíló farin í viðbót :D

Annars er lítið að frétta, gerist ekki mikið annað en skóli og vinna á þessu heimili. Að vísu er Teddi búinn að vera heima síðan á fimmtudag, hann er með svo ljótan hósta að við ákváðum að halda honum inni, ætlum að sjá til hvort hann fari á leikskólann á morgun.
Það er að byrja smá törn í skólanum hjá mér. Framundan á næstu 4 vikum eru 1 ritgerðarskil (gildir 40%), 1 verkefnaskil (gildir 15%) og 2 próf (annað gildir 50% og hitt 25%). Þannig að ég kem til með að hafa meira en nóg að gera.

Fékk sukk helgarinnar í bakið

2005-10-03T16:49:00.000Z

Jæja ég var kannski of dugleg í "ruslinu" um helgina og þyngdist um 600 grömm. Verð bara að vera dugleg í þessari viku og næstu helgi til að bæta þetta upp. Er að spá í að fara í viðtal við næringarráðgjafa og fá hann til að hjálpa mér aðeins með mataræðið. Ef það heppnast vel ættu kílóin að fara að fjúka :p

Við vorum með innflutningspartý á laugardaginn, buðum 30 manns og aðeins 8 mættu, þar af 2 óboðnir. Ekkert smá fyndið hvað allir voru uppteknir. Þetta var nú samt bara rólegt og fínt og held ég að gestir hafi verið nokkuð ánægðir.

Jæja annars ætlaði ég ekkert að stoppa hérna, það bíða mín 4 bónuspokar sem ég á eftir að ganga frá úr.

Er ekki bannað að klukka oft :p

2005-10-01T12:21:00.000Z

Jæja það er búið að klukka mig 2svar í viðbót og ætla ég að skella því saman í eitt og sleppa því að klukka fleiri.

1. Ég er bókaormur dauðans og hef mjög gaman af því.

2. Ég hef æft 4 íþróttir, hokkí, fótbolta, karate og frjálsar.

3. Ég fer í World Class 5 sinnum í viku, og hef lést um 4 kíló á jafn mörgum vikum.

4. Ég er full time fósturmamma.

5. Uppáhalds maturinn minn er kjötsúpa.

Jæja annars er ekkert rosalega mikið að frétta, lífið snýst um skóla, vinnu, svefn, world class og fjölskylduna.

Ég var víst klukkuð

2005-09-24T09:38:00.000Z

Jæja fimm hlutir um mig.

1. Ég er sannkallaður hrakfallabálkur.

2. Ég á 2 gæludýr.

3. Ég er á öðru ári í ensku í HÍ og stefni svo á MLIS gráðu í bókmennta og upplýsingafræði þegar það er búið.

4. Ég hef átt heima í 5 bæjarfélögum á ævinni og verið í 4 grunnskólum, 1 menntaskóla og 1 háskóla.

5. Ég er yngst af systkinunum.

Jæja ég klukka Birtu, Mæju, Daðey, Jónínu og Ölmu Dögg.

Hellings breytingar

2005-09-07T20:06:00.000Z

Jæja þá er ég flutt í bæinn, byrjuð í skólanum og byrjuð að vinna aftur á póstinum.

Við fluttum fyrir 1 og hálfri viku og vá hvað ég var búin að gleyma því hve leiðinlegt er að flytja. Maður á alltof mikið af drasli. Eigum aðallega eftir að ganga frá svona alls konar smádrasli og bókum. Við eigum ekki nógu stóra bókahillu fyrir allar bækurnar okkar.

Skólinn byrjaði á mánudaginn og mér líst bara nokkuð vel á þetta. Svo í dag var ég nokkurn veginn að ákveða að fara í MLIS nám í bókasafns og upplýsingafræði þegar ég er búin í enskunni. Það þýðir að vísu að ég þarf að taka 12 einingar í aðferðarfræði með enskunni, en ég held að það sleppi alveg.

Ég fór upp á póstmiðstöð á þriðjudaginn fyrir viku til að athuga hvort ég gæti fengið kvöldvinnu hjá þeim aðra hvora viku, var ráðin á staðnum og mætti strax um kvöldið í vinnu. Svo gaf ég þeim leyfi til að hringja í mig eftir hádegi á mánudögum og þriðjudögum og svo á fimmtudagsmorgnum ef það vantar bílstjóra. þeir eru strax farnir að nýta sér það.

Síðustu helgi var meira en nóg að gera hjá mér, á föstudaginn hefði Kjartan afi orðið 85 ára. Á laugardaginn gifti frænka mín sig. Á sunnudaginn var haldið upp á 10 ára afmæli hennar Alexöndru og líka kaffiboð til að minnast þess að Haddi afi hefði orðið 80 ára á mánudeginum. Ekki megrunarvæn helgi það ;)

Ég setti niður markmið um daginn:
1. september 2006 ætla ég að vera 50 kílóum léttari en ég er í dag.
Ef ég næ markmiðinu, þá fæ ég að kaupa mér fartölvu :D

Búin að mála

2005-08-15T15:05:00.000Z

Við erum loksins búin að mála íbúðina. Tedda herbergi er heiðblátt, töluvherbergið er í aðeins dekkri bláum lit og herbergið okkar er grátt með smá bláma í. Þannig að herbergin í íbúðinni eru svolítið bláleit ;) Mamma kom og hjálpaði okkur aðeins í gær, hún kláraði að þrífa ofninn sem ég var byrjuð á að þrífa, tók til í geymslunni og hjálpaði mér að bóna gólfin í herbergjunum. Nú er bara eftir að taka restina af gólfunum í gegn, eldhúsinnréttinguna og skápana í herbergjunum. Einnig eigum við eftir að festa upp nokkrar hillur og sólbekki.

Við flytjum síðustu helgina í ágúst og ég hlakka alveg geðveikt mikið til!!!

Sumarfrí

2005-08-10T10:19:00.000Z

Jæja þá er maður búinn að vera í sumarfríi í 1 og hálfa viku. Við Teddi höfum haft það ágætt hérna heima. Ég er aðeins byrjuð að pakka fyrir flutningana, en þori þó varla að pakka öllu strax því að við erum ekki komin með leigjendur í íbúðina okkar. Erum þó að vonast eftir jákvæðu svari í kvöld því það kom fólk að skoða á mánudaginn.

Síðustu helgi fórum við í smá ferðalag upp á snæfellsnes til að veiða. Veiddum ekki neitt og enduðum soldið blaut því það rigndi alveg helling. Á sunnudeginum fórum við Teddi svo á Skóga þar sem mamma og pabbi voru í veiðiferð ásamt Birki, Kæju, Elíasi, foreldrum Kæju og vinafólki þeirra. Þar var nokkuð mikið veitt og fékk Teddi að draga 4 fiska á land. Það var svakalega spennandi en þó vildi hann svo ekki halda á aflanum til að hægt væri að taka mynd af honum.

Nýjar fréttir...

2005-07-27T20:10:00.000Z

... en þó ekki mikið um fréttir ;)

Við erum búin að fá íbúðina afhenta og erum komin langleiðina með að mála hana. Við flytjum síðustu helgina í ágúst. Það sem verra er að við erum ekki búin að fá leigjendur að íbúðinni okkar. Ef þið vitið um einhvern sem langar að búa í Þorlákshöfn, leigja 67 fm íbúð á 56 þús á mánuði, endilega hafið samband við mig :p

Teddi er hjá mömmu sinni, er búinn að vera þar í 2 vikur og er lífið búið að vera pínuoggulítið tómlegt. Við fáum hann heim á föstudaginn og ætlum að fara í útilegu og veiðiferð :D Þá byrjar líka sumarfríið mitt, á 2 vikur á launum og þarf svo að taka aukalega 5 daga til að fara í 2 próf. Þegar fríið er búið á ég bara eftir að vinna í 4 daga í Portlandi og þá er ég hætt þar og er farin að hlakka töluvert til að losna við kuldann þar. Svo þarf ég ábyggilega að vinna eitthvað með skólanum í vetur, vantar smá uppá að ná endum saman. Það ætti svosem að reddast með smá kvöldvinnu og ég er að hugsa um að tala við þá á póstinum um vinnu ;)

Íbúð og leikskóli

2005-07-01T07:05:00.000Z

Jíha við erum komin með íbúð og leikskólapláss fyrir Tedda!!! :):):):):):):):):)

Íbúðin er í Laufengi og er 116 fm., 4ra herb. og mjög rúmgóð. Að vísu aðeins dýrari leiga en við ætluðum okkur, en okkur fannst það alveg þess virði. Því venjulega væru íbúðir af þessari stærðargráðu að fara á 16 - 40 þús. meiri pening en þessi. Við fáum 30% afslátt af fyrsta mánuðinum, því það þarf að gera smá fyrir íbúðina. Við þurfum að skipta um hurðahún og cylinder í útidyrahurðinni, fá nýjan dyrakarm í millihurðinni og rífa teppi sem liggur ofan á gólfdúknum. Svo höfum við fengið leyfi til að mála íbúðina að eitthverju leiti. Annað barnaherbergið er nefnilega svo bleikt að það öskrar á mann og hitt er alveg hrikalega fjólublátt.
Ég er allavegana mjög ánægð, að vísu er Tommi ekki búinn að sjá íbúðina, bara ég og mamma, þannig að ég vona bara að hann verði líka ánægður þegar hann sér hana. Við fáum hana sennilega í næstu viku og ættum því að geta unnið þessa hluti í rólegheitum, því við flytjum ekki fyrr en í fyrsta lagi í ágúst.

Teddi er kominn með leikskólapláss á leikskóla sem heitir Mánagarður og er á háskólasvæðinu. Ég veit að hann er langt frá íbúðinni okkar, en ég hugsa að það reddist. Það verða þá kannski meiri líkur á því að maður setjist niður á bókhlöðunni á morgnanna til að læra.
Hann fær að byrja mánaðarmótin ágúst-september. En pælið í því að leikskólareikningurinn lækkar um 10 þús. við það að flytja í Rvík!!!! Samt verður hann jafnlengi á leikskólanum þar og hérna.

Mamma og pabbi komu heim færandi hendi á miðvikudaginn. Tommi fékk bol, ég fékk náttföt+hálsmen+eyrnalokkar, Teddi fékk náttföt+bíla+turles kall. Svo fékk Teddi líka mentos nammi og við after eight. Einnig gáfu þau okkur tvö skurðbretti. Það var alveg æðislegt að fá þau heim, ég er ekki frá því að maður saknaði þeirra smá á meðan þau voru úti.